Gold Silver Rates | ఇరాన్–ఇజ్రాయెల్ యుద్ధ ప్రభావం .. పెళ్లిళ్ల సీజన్లో పరుగులు పెడుతున్న ప‌సిడి

అక్షరటుడే, హైదరాబాద్​: Gold Silver Rates | పశ్చిమాసియాలో యుద్ధ వాతావరణం ముదురుతోంది. ఇజ్రాయెల్‌, అమెరికా కలిసి ఇరాన్‌ Iranపై దాడులకు దిగిన నేపథ్యంలో పరిస్థితులు ఉత్కంఠభరితంగా మారాయి. ఇరాన్ సుప్రీం లీడర్అలీ ఖ‌మేని Ali Khamenei హత్యకు గురైనట్టు వెలువడిన వార్తలతో ఇరాన్ ప్రతీకార దాడులు ప్రారంభించిందనే సమాచారం ప్రపంచ మార్కెట్లను కుదిపేస్తోంది.

Gold Silver Rates | కుప్పకూలుతున్న స్టాక్​ మార్కెట్​లు..

యుద్ధం మరింత తీవ్రస్థాయికి చేరుకునే సూచనలు కనిపిస్తుండటంతో అంతర్జాతీయ స్టాక్ మార్కెట్లు కుప్పకూలుతున్నాయి. ఈ పరిస్థితుల్లో పెట్టుబడిదారులు సేఫ్ హావెన్ ఆస్తులైన బంగారం, వెండిలో పెట్టుబడులు పెంచుతున్నారు.

ఫలితంగా దేశీయ మార్కెట్లో పసిడి ధరలు రోజురోజుకీ ఎగబాకుతున్నాయి. పెళ్లిళ్ల సీజన్ కొనసాగుతున్న సమయంలో ధరల పెరుగుదల వినియోగదారులకు భారంగా మారుతోంది. సోమవారం కూడా గోల్డ్, సిల్వర్ రేట్లు స్వల్పంగా పెరిగాయి.

Gold Silver Rates | పెరుగుతున్న ధ‌ర‌లు..

ప్రధాన నగరాల్లో బంగారం ధరలు (10 గ్రాములు) ఎలా ఉన్నాయ‌నేది చూస్తే…హైదరాబాద్ Hyderabadలో 24 క్యారెట్ల స్వచ్చమైన బంగారం ధర రూ.1,73,090 వద్ద కొనసాగుతోంది. నిన్న ఇది రూ.1,73,080 వద్ద ఉండగా స్వల్పంగా పెరిగింది. 22 క్యారెట్ల బంగారం ధర ప్రస్తుతం రూ.1,58,660 వద్ద ట్రేడవుతోంది (నిన్న రూ.1,58,650).

విజయవాడ & విశాఖపట్నం లో 24 క్యారెట్ల బంగారం ధర రూ.1,73,090గా ఉంది. 22 క్యారెట్ల ధర రూ.1,58,660 వద్ద కొనసాగుతోంది. చెన్నై లో 24 క్యారెట్ల బంగారం ధర రూ.1,72,100. నిన్న రూ.1,72,090గా ఉండగా స్వల్ప పెరుగుదల నమోదైంది. 22 క్యారెట్ల ధర ప్రస్తుతం రూ.1,57,760 (నిన్న రూ.1,57,750). బెంగళూరు లో 24 క్యారెట్ల గోల్డ్ రేటు రూ.1,73,090 వద్ద ఉంది. 22 క్యారెట్ల ధర రూ.1,58,660గా కొనసాగుతోంది.

దేశ రాజధాని ఢిల్లీ New Delhiలో 24 క్యారెట్ల బంగారం ధర రూ.1,73,240.22 క్యారెట్ల బంగారం ధర రూ.1,58,810 గాఉంది.

ఇక వెండి ధరలు (కిలోకు) ఢిల్లీలో కేజీ వెండి ధర రూ.2,94,900 (నిన్న రూ.2,95,000)గా ఉంది. హైద‌రాబాద్‌లో కేజీ వెండి రూ.3,25,100 (నిన్న రూ.3.25 లక్షలు) కాగా, చెన్నైలో కేజీ వెండి రూ.3,25,100గా ఉండ‌గా, బెంగ‌ళూరులో కేజీ వెండి రూ.2,94,900 (నిన్న రూ.2.95 లక్షలు)గా ఉంది.

మార్కెట్ విశ్లేషకుల అభిప్రాయం ప్రకారం, యుద్ధ ఉద్రిక్తతలు తగ్గకపోతే బంగారం ధరలు మరికొన్ని రోజులు ఇలానే కొనసాగే అవకాశముంది. పెళ్లిళ్ల సీజన్‌లో బంగారం కొనుగోలు తప్పనిసరి కాగా, కొనుగోలు చేయాలా.. లేక‌ ధరలు తగ్గే వరకు వేచి చూడాలా? అన్న దానిపై సందిగ్ధత నెలకొంది.