Gruha Jyothi Scheme | ఇల్లు కట్టకుండానే గృహజ్యోతి బిల్లు.. విద్యుత్​ అధికారుల నిర్లక్ష్యానికి నిదర్శనం..

అక్షరటుడే, కామారెడ్డి: Gruha Jyothi Scheme | ఒక ఇంటికి విద్యుత్ మీటర్ కావాలంటే సవాలక్ష నిబంధనలు ఉంటాయి. ఇటీవల ప్రభుత్వం గృహజ్యోతి పథకం ద్వారా ఉచిత విద్యుత్ (telangana free electricity) అందిస్తోంది. ఈ పథకం కింద ఇప్పటికే చాలామంది లబ్ది పొందుతున్నారు. ప్రస్తుతం ఆ పథకానికి సంబంధించిన సైట్ క్లోజ్ కావడంతో దరఖాస్తులు కుప్పలుతెప్పలుగా మూలన పడి ఉన్నాయి.

Gruha Jyothi Scheme | సైట్​ ఓపెన్​ ఉన్నప్పుడు..

సైట్ ఓపెన్ ఉన్నప్పుడు గృహజ్యోతి (gruha jyothi scheme) అమలు చేయాలంటే సవాలక్ష కొర్రీలు అడ్డువచ్చాయి. అర్హులైన అనేక మంది ఇప్పటికి గృహజ్యోతి పథకం కోసం ఎదురు చూస్తున్నారు. ఉన్న ఇంటికే గృహజ్యోతి (kamareddy district news) రాక ఇబ్బందులు పడుతుంటే ఇక్కడ నిర్మాణంలో ఉన్న ఓ ఇంటికి గృహజ్యోతి పథకం కింద ఉచిత విద్యుత్ సబ్సిడీ రావడం చర్చనీయాంశంగా మారింది.

Gruha Jyothi Scheme | బిచ్కుంద మండల కేంద్రంలో..

బిచ్కుంద మండల కేంద్రంలో (bichkunda mandal issue) ఓ వ్యక్తి నూతనంగా ఇంటిని నిర్మిస్తున్నాడు. సాధారణంగా అయితే కేటగిరి–2 కింద విద్యుత్ మీటర్​కు దరఖాస్తు చేసుకుని ఆ తర్వాత దానిని కేటగిరి–1కు మార్చుకుని గృహజ్యోతి (electricity department telangana) పథకానికి దరఖాస్తు చేసుకోవాల్సి ఉంటుంది. అలాకాకుండా ఇతను తన పాత ఇంటికి సంబంధించిన విద్యుత్ మీటర్​ను కొత్త ఇంటికి బిగించి ప్రభుత్వం నుంచి సబ్సిడీ పొందుతున్నాడు. దాంతో చుట్టుపక్కల జనాలు ఆశ్చర్యం వ్యక్తం చేస్తున్నారు. గృహజ్యోతి నిబంధనల ప్రకారం 200 యూనిట్స్ దాటితే పెరిగిన బిల్లును ముక్కుపిండి మరీ వసూలు చేసే విద్యుత్ అధికారులకు ఈ తతంగం కనిపించడం లేదా అని సామాన్య ప్రజలు ప్రశ్నిస్తున్నారు. దీనిపై అధికారులు ఎలా స్పందిస్తారో వేచి చూడాలి మరి..

ఇది కూడా చదవండి: Head Constable Death | గుండెపోటుతో హెడ్ కానిస్టేబుల్ మృతి