Hanuman Jayanti | ఇది నా పూర్వజన్మ సుకృతం.. హనుమాన్​ జయంతి సందర్భంగా ప్రత్యేక వీడియో విడుదల చేసిన చిరంజీవి..

అక్షరటుడే, వెబ్​డెస్క్​: Hanuman Jayanti | అగ్ర కథానాయకుడు చిరంజీవి ఆంజనేయస్వామికి పరమభక్తుడనే విషయం అందరికీ తెలిసిందే. హనుమాన్​ జయంతిని (Hanuman Jayanti) సందర్భంగా తన ఇంట్లోని పూజా మందిరంలో చోటుచేసుకొన్న ఓ అపురూప దృశ్యానికి సంబంధించిన వీడియోను షేర్​ చేశారు. ఈ సందర్భంగా ఆయన మాట్లాడుతూ “ప్రత్యక్ష దైవం ఆ సూర్య భగవానుడి కిరణాలు మా ఇలవేల్పు హనుమంతుడిని స్పృశిస్తున్న అద్భుతమైన సన్నివేశాన్ని మీతో పంచుకుంటున్నాను” అని పేర్కొన్నారు.

 Hanuman Jayanti | అద్భుతాన్ని చూశాం..

‘‘హనుమాన్ జయంతి సందర్భంగా మా ఇంటి పూజా మందిరంలో జరిగిన ఒక విశేషాన్ని మీతో పంచుకోవాలని వీడియో చేస్తున్నాను. ప్రతి యేటా డిసెంబర్, జనవరి, ఫిబ్రవరిలలో సూర్యకిరణాలు సప్త వర్ణాలుగా మారి మా పూజా మందిరంలో ప్రకాశిస్తాయి. కిరణాలు హనుమంతుడిని స్పృశిస్తూ ప్రసరించే ఈ దృశ్యం అనుభూతిని మాటల్లో చెప్పలేను. ఇటీవల మనం అయోధ్య (Ayodhya)లో బాలరాముడి నుదిటిపై సూర్యకాంతి పడి మెరిసిన అద్భుతాన్ని చూశాం.. అలాగే అరసవల్లి ఆలయం (Arasavalli Temple)లో సూర్య కిరణాలు భగవంతుడిని తాకే విశేషం మనకు తెలిసిందే. ఈ దైవానుభూతి మా ఇంట్లోని ఆంజనేయుడిని స్పృశించడం నా పూర్వజన్మ సుకృతం’’ అని చిరంజీవి పేర్కొన్నారు. అలాగే ఈ వీడియో అందరికీ హనుమాన్ జయంతి శుభాకాంక్షలు తెలిపారు.

అందరికీ హనుమజ్జయంతి శుభాకాంక్షలు.💐

మనకు నిత్యం కనిపించే ప్రత్యక్ష దైవం ఆ సూర్య భగవానుని కిరణాలు మా ఇలవేల్పు హనుమంతుని స్పృశిస్తున్న అద్భుతమైన సన్నివేశాన్ని ఈ సందర్భంగా మీతో పంచుకుంటున్నాను.

జై శ్రీరామ్🙏 జై హనుమాన్🙏#HanumanJayanti pic.twitter.com/fafTx4x9xL

— Chiranjeevi Konidela (@KChiruTweets) April 2, 2026

ఇది కూడా చదవండి..: Raghav Chadha MP | ఎంపీ రాఘవ్‌ చద్దాకు షాక్​ ఇచ్చిన ఆమ్​ ఆద్మీ పార్టీ