అక్షరటుడే, వెబ్డెస్క్ : HDFC Interest Rates | తమ బ్యాంక్లో లోన్లు తీసుకున్న కస్టమర్లకు హెచ్డీఎఫ్సీ (HDFC) గుడ్న్యూస్ చెప్పింది. వడ్డీ రేట్లను తగ్గిస్తూ నిర్ణయం తీసుకుంది. దీంతో రుణగ్రహీతలు ప్రయోజనం పొందుతారు. కొత్త రేట్లు మార్చి 7 నుంచి అమలులోకి వస్తాయి.
HDFC బ్యాంక్ తన మార్జినల్ కాస్ట్ ఆఫ్ ఫండ్స్-బేస్డ్ లెండింగ్ రేట్లను (MCLR) 10 బేసిస్ పాయింట్లు తగ్గించింది. HDFC బ్యాంక్ MCLR రేట్లు ఇప్పుడు రుణ కాలపరిమితిని బట్టి 8.15 శాతం నుంచి 8.55 శాతం వరకు ఉంటాయి. గతంలో ఇవి 8.25 శాతం నుంచి 8.60 శాతం వరకు ఉండేవి. దీంతో గత నెలతో పోలిస్తే రుణం తీసుకోవడం కొంచెం చౌకగా మారింది. వినియోగదారులు MCLRకి గృహ లేదా వ్యక్తిగత రుణాన్ని అనుసంధానించి ఉంటే, తదుపరి రీసెట్ సమయంలో మీ EMIలు తగ్గిపోతుంది. ఫ్లోటింగ్ ఇంట్రెస్ట్ ఎంచుకున్న వారు ఈఎంఐ తగ్గించుకోవచ్చు. లేదా రుణ కాలపరిమితి తగ్గించుకునే అవకాశం ఉంది.
HDFC Interest Rates | ఎఫ్డీ వడ్డీ రేట్ల పెంపు
రుణాలపై వడ్డీ రేట్లను (Interest Rates) తగ్గించిన హెచ్డీఎఫ్సీ బ్యాంక్ ఫిక్స్డ్ డిపాజిట్లపై మాత్రం పెంచింది. దీంతో అటు రుణగ్రహీతలకు, ఇటు డిపాజిట్దారులకు గుడ్న్యూస్ చెప్పింది. మూడు సంవత్సరాల ఒక రోజు నుంచి నాలుగు సంవత్సరాల ఏడు నెలల కంటే తక్కువ కాలపరిమితి గల డిపాజిట్లపై (సుమారు 37-55 నెలలు) 10 బేసిస్ పాయింట్లు పెంచింది. ఇప్పుడు అందరికీ 6.5 శాతం, సీనియర్ సిటిజెన్లకు 7శాతంగా ఉంది.
ఇది కూడా చదవండి..: Sukhoi Su-30 Crash | కూలిపోయిన సుఖోయ్ యుద్ధ విమానం.. ఇద్దరు పైలెట్ల మృతి
