అక్షరటుడే, గాంధారి: Hut Fire Damage | గాంధారి మండలంలోని (Gandhari Mandal) గండివేట్ గ్రామంలో గురువారం ఉదయం ప్రమాదవశాత్తు గుడిసె దగ్ధమైంది. బంగారు పుస్తెలతాడు, గుండ్లు, కాళ్లపట్టీలు, ఇతర వస్తువులు అగ్నికి ఆహుతయ్యాయి.
Hut Fire Damage | ఎవరూ లేని సమయంలో..
స్థానికులు తెలిపిన విరరాల ప్రకారం.. మండలంలోని గండిపేట్ గ్రామంలోని (Gandipet Village) గంగవ్వకు ఇద్దరు కుమార్తెలు ఉన్నారు. భర్త మృతి చెందిన అనంతరం ఆమె తన ఇద్దరు కుమార్తెలకు పెళ్లిళ్లు చేసింది. అనంతరం గుడిసెలో ఒంటరిగానే ఉంటుంది. అయితే పని నిమిత్తం బుధవారం గంగవ్వ వేరే గ్రామానికి వెళ్లింది. ఈ క్రమంలో ఆమె గుడిసెకు ప్రమాదవశాత్తు నిప్పంటుకుంది. దీంతో గుడిసెలో ఉన్నటువంటి బంగారు పుస్తెతో పాటు గుండ్లు, కాళ్ల పట్టీలు, పట్టగొలుసులు, వంట సామగ్రి అగ్నికి ఆహుతయ్యాయని గ్రామస్థులు తెలిపారు. ఫైరింజన్కు సమాచారమిచ్చిన గ్రామస్థులు అది వచ్చేలోపు స్థానికంగా ఉన్న బోరు నుంచి నీటిని తీసుకొచ్చి మంటలు ఆర్పే ప్రయత్నం చేశారు. అయినప్పటికీ మంటలు అదుపులోకి రాలేదు. చివరకు ఫైరింజన్ వచ్చి మంటలను ఆర్పివేసింది. సంఘటనా స్థలానికి రెవెన్యూ ఇన్స్పెక్టర్ వెళ్లి పంచనామా చేశారు.
ఇది కూడా చదవండి..: Exam Center Facilities | విద్యార్థులకు పరీక్ష కేంద్రాల్లో అన్ని సౌకర్యాలు కల్పించాలి: కలెక్టర్ ఇలా త్రిపాఠి
