అక్షరటుడే, వెబ్డెస్క్ : Hyderabad bakery raid | హైదరాబాద్ (Hyderabad) నగరంలో కల్తీ మాఫియాపై పోలీసులు ఉక్కుపాదం మోపుతున్నారు. నిత్యం దాడులు చేస్తూ.. కల్తీ, నాసిరకం ఆహార పదార్థాలు తయారు చేస్తున్న వారిపై కేసులు నమోదు చేస్తున్నారు.
గోల్కొండ (Golconda)లోని ఝిర్రా, నటరాజ్ నగర్లో ఉన్న ‘చాంద్ బేకరీ’ అనే అక్రమ తయారీ యూనిట్పై గోల్కొండ జోన్ కమిషనర్ టాస్క్ఫోర్స్, తపచబుత్ర పోలీసులు గురువారం దాడి చేశారు. అత్యంత అపరిశుభ్ర వాతావరణంలో ఆహార పదార్థాలు తయారు చేస్తున్నట్లు గుర్తించారు. ఆసిఫ్ నగర్లోని అంబేడ్కర్ నగర్ కాలనీ నివాసి అయిన యూనిట్ యజమాని సయ్యద్ ఖదీర్ (42)ను అరెస్టు చేశారు.
Hyderabad bakery raid | దుకాణాలు, కేఫ్లకు సరఫరా
ఆహార తయారీ, వాణిజ్య లైసెన్సులు, కార్మిక అనుమతులతో సహా అవసరమైన పత్రాలు లేకుండానే బేకరీ యూనిట్ నడుపుతున్నట్లు పోలీసులు తెలిపారు. నిందితుడు ఈ నాసిరకం బేకరీ ఉత్పత్తులను నగరవ్యాప్తంగా ఉన్న వివిధ కిరాణా దుకాణాలు, జనరల్ స్టోర్లు, కేఫ్లు, హోటళ్లకు సరఫరా చేస్తున్నట్లు గుర్తించారు. అతడిపై కేసు నమోదు చేసి, అరెస్ట్ చేశారు. రూ. 2.77 లక్షల విలువైన సరుకులు స్వాధీనం చేసుకున్నారు.
దీనిని కూడా చదవండి : Hydraa saves parks | రెండు పార్కులను కాపాడిన హైడ్రా
