అక్షరటుడే, వెబ్డెస్క్ : India Post GDS Results | ఇండియా పోస్ట్ గ్రామీణ డాక్ సేవక్ (GDS) రిక్రూట్మెంట్ 2026 ఫలితాలను పోస్టల్ శాఖ విడుదల చేసింది. 28,740 ఉద్యోగాలను భర్తీ చేయడానికి గతంలో నోటిఫికేషన్ వెలువడింది.
పోస్టల్ శాఖలో జీడీఎస్, బీపీఎం, ఏబీపీఎం పోస్టుల కోసం గతంలో దరఖాస్తులు స్వీకరించారు. దేశవ్యాప్తంగా లక్షలాది మంది అభ్యర్థులు ఆయా పోస్టుల కోసం ఆన్లైన్లో దరఖాస్తు చేసుకున్నారు. ఈ క్రమంలో తాజాగా అధికారులు ఫలితాలు ప్రకటించారు. అభ్యర్థులు అధికారిక వెబ్సైట్, indiapostgdsonline.gov.inలో సర్కిల్ వారీగా మెరిట్ జాబితా ద్వారా ఆన్లైన్లో తమ ఫలితాలను చెక్ చేసుకోవచ్చు.
India Post GDS Results | పదో తరగతి మార్కులతో..
తపాలా శాఖ (Post Office)లో ఆయా పోస్టులను పదో తరగతి మార్కుల మెరిట్ ఆధారంగా భర్తీ చేశారు. మెరిట్ జాబితా పీడీఎఫ్ అభ్యర్థులు తమ పేరు ఉందో లేదో చెక్ చేసుకోవచ్చు. ఎటువంటి రాత పరీక్ష, ఇంటర్వ్యూ లేకుండా.. 10వ తరగతి మార్కుల ఆధారంగా మెరిట్ జాబితా ఎంపిక చేశారు. ఎంపికైన అభ్యర్థులను డాక్యుమెంట్ వెరిఫికేషన్ కోసం పిలుస్తారు. అనంతరం నియామక పత్రాలు అందిస్తారు.
India Post GDS Results | సర్టిఫికెట్ వెరిఫికేషన్
ఎంపికైన అభ్యర్థులు ఈ నెల 23లోగా సర్టిఫికెట్ వెరిఫికేషన్కు హాజరు కావాల్సి ఉంటుంది. పదో తరగతి ఒరిజినల్ మెమోతో పాటు, కుల ధ్రువీకరణ పత్రం, ఇతర సర్టిఫికెట్లు వెంట తీసుకు వెళ్లాల్సి ఉంటుంది. కాగా ఈ నియామక ప్రక్రియలో భాగంగా ఆంధ్ర ప్రదేశ్లో 1,060, తెలంగాణలో 608 పోస్టులను భర్తీ చేయనున్నారు.
ఇది కూడా చదవండి..: UPSC Civil Services Results | సివిల్ సర్వీసెస్ ఫలితాల విడుదల
