అక్షరటుడే, ఎల్లారెడ్డి: Indiramma Houses Scheme | ప్రభుత్వ పథకాలను పక్కాగా అమలు చేయలని కలెక్టర్ ఆశిష్ సంగ్వాన్ ఆదేశించారు. రామారెడ్డి మండలం (Ramireddy Mandal) గొల్లపల్లి గ్రామంలో కొనసాగుతున్న ఇందిరమ్మ ఇళ్ల నిర్మాణ పనులను గురువారం ఆయన పరిశీలించారు.
Indiramma Houses Scheme | ఇందిరమ్మ ఇళ్ల పథకం..
ఈ సందర్భంగా ఇందిరమ్మ ఇళ్ల పథకం లబ్ధిదారులు మెరుగు లక్ష్మి, రాజయ్య నిర్మించుకుంటున్న ఇంటి పనుల పురోగతిని కలెక్టర్ (Collector Ashish Sangwan) ప్రత్యక్షంగా పరిశీలించారు. నిర్మాణ పనులు నాణ్యతగా.. త్వరితగతిన పూర్తిచేయాలని, ఉగాదిలోగా ప్రారంభోత్సవానికి సిద్ధంగా ఉండాలని సూచించారు. ప్రభుత్వ పథకాల ద్వారా లబ్ధిదారులకు అందుతున్న సౌకర్యాల గురించి ఆరా తీశారు. అనంతరం గొల్లపల్లి గ్రామంలోని (Gollapalli Village) మండల ప్రాథమిక పాఠశాలను సందర్శించిన కలెక్టర్ పాఠశాలలోని వంటగదిని పరిశీలించారు. విద్యార్థులకు మెనూ ప్రకారం మధ్యాహ్న భోజనం అందిస్తున్న తీరును సిబ్బందిని అడిగి తెలుసుకున్నారు.
Indiramma Houses Scheme | మౌలిక వసతుల కల్పనపై ఆరా
విద్యార్థులకు పోషకాహారం అందేలా ప్రభుత్వం నిర్దేశించిన మార్గదర్శకాలను కచ్చితంగా పాటించాలని కలెక్టర్ సూచించారు. విద్యార్థులకు రాగి జావాపై ఇస్తున్నారా లేదా అని ఆరాతీశారు. ఈ సందర్భంగా పాఠశాల నిర్వహణ, విద్యార్థుల హాజరు, మౌలిక వసతులపై కలెక్టర్ వివరాలు తెలుసుకున్నారు. పాఠశాలల్లో పరిశుభ్రత, నాణ్యమైన ఆహారం, విద్యార్థుల సంక్షేమంపై ప్రత్యేక దృష్టిపెట్టాలని అధికారులకు సూచించారు.
Indiramma Houses Scheme | అభ్యసన సామర్థ్యాలపై పరీక్ష..
ఈ సందర్భంగా విద్యార్థుల అభ్యాస సామర్థ్యాలను కలెక్టర్ పరిశీలించారు. విద్యార్థులకు నోట్ బుక్స్ను అందించి అవసరమైన సూచనలు ఇచ్చారు. అనంతరం విద్యార్థులతో లెక్కలు చేయించి, ఇంగ్లిష్ పాఠాలను చదివించారు. విద్యార్థులు చురుకుగా పాల్గొని మంచి ప్రతిభ కనబర్చినందుకు కలెక్టర్ వారిని అభినందించారు. విద్యార్థులు పాఠాలను బాగా అభ్యసించి మంచి ఫలితాలు సాధించాలని, ఉపాధ్యాయులు విద్యార్థులలో అభ్యాస నైపుణ్యాలను మరింతగా పెంపొందించేందుకు కృషి చేయాలని సూచించారు. కార్యక్రమంలో ఆర్డీవో వీణ, తహశీల్దార్, పీడీ హౌసింగ్ విజయపాల్ రెడ్డి, పాఠశాల ఉపాధ్యాయులు, తదితరులు పాల్గొన్నారు.
ఇది కూడా చదవండి..: Yellareddy RDO Prabhakar | ఎల్లారెడ్డి ఆర్డీవోగా ప్రభాకర్ బాధ్యతల స్వీకరణ
