అక్షరటుడే, వెబ్డెస్క్: Induction Stove Demand | పశ్చిమాసియాలో నెలకొన్న ఉద్రిక్తతల నేపథ్యంలో ఇరాన్ హార్ముజ్ జలసంధిని మూసివేయడంతో ముడి చమురు ధరలకు రెక్కలొచ్చాయి. ఎల్పీజీ సరఫరాకు ఆటంకం ఏర్పడింది. దీంతో గ్యాస్ దిగుమతులపైనే ఎక్కువగా ఆధారపడే భారత్ వంటి దేశాలతో కొరత ఏర్పడుతోంది. ఇప్పటికే కేంద్ర ప్రభుత్వం (Central Government) గ్యాస్ బుకింగ్ గడువును 21 రోజులనుంచి 25 రోజులకు పెంచింది.
Induction Stove Demand | యుద్ధం తీవ్రత ఇంకా పెరిగి..
అత్యవసర సేవలకు మినహా మిగిలినవాటికి కమర్షియల్ సిలిండర్ల సరఫరాను నిలిపివేసింది. దేశంలో 40 రోజులకు సరిపడేంతగా ఎల్పీజీ నిల్వలు ఉన్నాయని కేంద్రం చెబుతోంది. అయితే యుద్ధం తీవ్రత ఇంకా పెరిగి.. దీర్ఘాకాలంపాటు కొనసాగితే గ్యాస్ నిల్వలు అడుగంటుతాయి. దీంతో గ్యాస్ కొరత (Gas shortage) తీవ్రమయ్యే అవకాశాలున్నాయన్న ఆందోళనతో చాలామంది వినియోగదారులు ముందు జాగ్రత్తగా అదనపు సిలిండర్లను బుక్ చేసుకుంటుండడంతో కృత్రిమ కొరత ఏర్పడింది.
Induction Stove Demand | ఆ స్టాక్స్కు పెరిగిన డిమాండ్
- గ్యాస్ ధరలు పెరగడం, సరఫరాలో ఇబ్బందులు తలెత్తుతుండడంతో వినియోగదారులు ప్రత్యామ్నాయాల వైపు మళ్లుతున్నారు. దీంతో ఇండక్షన్ కుక్టాప్, ఎలక్ట్రిక్ స్టౌలకు విపరీతమైన డిమాండ్ ఏర్పడింది. ఫలితంగా వంటగది ఉపకరణాల తయారీ కంపెనీలైన టీటీకే ప్రెస్టీజ్, స్టవ్ క్రాఫ్ట్ వంటి షేర్లు భారీగా లాభపడుతున్నాయి.
- ఇండక్షన్ కుక్టాప్లు టేబుల్టాప్ స్టవ్ల విభాగంలో బలమైన ఉనికిని కలిగి ఉన్న బటర్ఫ్లై గాంధీమతి కంపెనీ షేరు ధర బుధవారం ఇంట్రాడేలో గరిష్టంగా 18 శాతానికిపైగా పెరిగింది. చివరికి 14.80 శాతం లాభంతో రూ. 694 వద్ద ముగిసింది.
- టీటీకే ప్రెస్టీజ్ కంపెనీ షేరు ధర ఇంట్రాడేలో గరిష్టంగా 15 శాతం పెరిగింది. చివరికి 10.52 శాతం లాభంతో 535 వద్ద స్థిరపడింది.
- పీజియన్ బ్రాండ్తో గుర్తింపు పొందిన స్టవ్ క్రాఫ్ట్ కంపెనీ షేరు ధర ఇంట్రాడేలో గరిష్టంగా సుమారు 18 శాతం పెరిగింది. చివరికి 12 శాతం లాభంతో 544 వద్ద స్థిరపడింది.
- బజాజ్ ఎలక్ట్రికల్స్ (Bajaj Electricals) షేరు ధర ఇంట్రాడేలో గరిష్టంగా సుమారు 3 శాతం వరకు పెరిగినా.. మార్కెట్లో ఒడిదుడుకుల కారణంగా చివరికి 0.81 శాతం లాభంతో ముగిసింది. ఈ స్టాక్ ధర మార్చి 5వ తేదీన రూ. 355 వద్ద ఉంది.
- ప్రీమియం కిచెన్ అప్లయెన్సెస్ తయారీదారు అయిన హావెల్స్ ఇండియా షేరు ధర కూడా పెరిగింది. 0.55 శాతం లాభంతో 1,365 వద్ద ముగిసింది.
ఇది కూడా చదవండి..: Small Notes ATM | ఇక ఏటీఎంల నుంచే చిన్న నోట్లు.. రూ.10, రూ.20, రూ.50 డ్రా చేసే కొత్త వ్యవస్థకు కేంద్రం సిద్ధం
