అక్షరటుడే, భీమ్గల్: Inter Results | ఇంటర్ ఫలితాల్లో బాలికల హవా కొనసాగింది. ఇంటర్మీడియట్ (Intermediate Education) వార్షిక ఫలితాలను అధికారులు ఆదివారం ఉదయం 11 గంటలకు విడుదల చేశారు. ఈ ఫలితాల్లో జిల్లా విద్యార్థులు సత్తా చాటారు. గత ఏడాదితో పోలిస్తే ఉత్తీర్ణత శాతం పెరిగింది. ప్రభుత్వ కాలేజీల విద్యార్థులు సైతం మెరుగైన ఫలితాలు (Nizamabad Inter Results ) సాధించారు. మొత్తం జిల్లాలో 66.19 శాతం మంది పాస్ అయ్యారు.
Inter Results | నిజామాబాద్ జిల్లాలో..
జిల్లాలో (telangana education) ఇంటర్ పరీక్షలు ఫిబ్రవరి, మార్చిలో కొనసాగిన విషయం తెలిసిందే. ఈ ఫలితాల కోసం విద్యార్థులు ఉత్కంఠతో ఎదురు చూస్తున్నారు. ఈ క్రమంలో తాజాగా అధికారులు రిజల్ట్స్ రిలీజ్ చేశారు. సెకండియర్లో విద్యార్థులు 66.19శాతం మంది, ఫస్టియర్లో 56.64 శాతం ఉత్తీర్ణత సాధించారు. ఒకేషనల్ విభాగంలో ఫస్టియర్లో 49.65 శాంతం, సెకండియర్లో 67.68శాతం పాస్ అయ్యారు.
Inter Results | జనరల్లో..
ఇంటర్ జనరల్ ఫస్టియర్లో మొత్తం 15,547 మంది పరీక్షలకు హాజరు కాగా 8,806 మంది విద్యార్థులు పాస్ అయ్యారు. బాలికలు 8,711 మంది పరీక్షలకు హాజరుకాగా 5,868 మంది పాస్ అయి 67.36 శాతం ఉత్తీర్ణత సాధించారు. బాలురలో 6,836 మందికి 2,938 మంది ఉత్తీర్ణులయ్యారు. సెకండియర్లో మొత్తం 13,876 మందికి 9,187 మంది ఉత్తీర్ణులయ్యారు. బాలికలు 7,606 మంది పరీక్షలు రాయగా.. 5,823 మంది, బాలురు 6 ,273 మందికి 3,364 మంది పాస్ అయ్యారు. బాలికల ఉత్తీర్ణత శాతం 76.56 శాతం, బాలురులది 53.63 శాతంగా నమోదు అయింది.
Inter Results | ఒకేషనల్ విభాగంలో
ఒకేషనల్ విభాగంలో ఫస్టియర్లో 2,562 మంది పరీక్షలకు హాజరు కాగా 1,272 మంది విద్యార్థులు పాస్ అయ్యారు. 49.69శాతం పాస్ పర్సంటేజీ నమోదు అయింది. సెకండియర్లో 2,345 మంది పరీక్షలకు హాజరు కాగా 1,587 మంది విద్యార్థులు ఉత్తీర్ణత సాధించారు. 67.68 శాతం ఉత్తీర్ణత సాధించారు.
Inter Results | మెరుగైన ఫలితాలు
జిల్లాలో గత సంవత్సరం కన్నా ఉత్తీర్ణత శాతం పెరిగింది. మెరుగైన ఫలితాలు వచ్చాయి. 2024–25 విద్యా సంవత్సరంలో ఇంటర్ సెకండియర్లో 58.21 శాతం ఉత్తీర్ణత సాధించగా ప్రస్తుతం 66.19 శాతం మంది పాస్ అయ్యారు. ఫస్టియర్లో 2024–25 విద్యా సంవత్సరంలో 53.37శాతం ఉత్తీర్ణత సాధించగా ఈ ఏడాది 56.64 శాతం విద్యార్థులు ఉత్తీర్ణత సాధించారు.
అధ్యాపకుల కృషితో..
– రవికుమార్, డీఐఈవో
జిల్లాలో ఫలితాలు ఆశాజనకంగా ఉన్నాయి. అధ్యాపకుల కృషి, విద్యార్థుల కష్టం ఫలితంగానే గత ఏడాదితో పోలిస్తే ఉత్తీర్ణత శాతం పెరిగింది.బాలికలు అన్ని విభాగాల్లోనూ అగ్రస్థానంలో నిలవడం గర్వకారణం.
ఇది కూడా చదవండి : Tirumala July Tickets | 18 నుంచి జూలై నెల శ్రీవారి దర్శన టికెట్ల కోటా విడుదల.. పూర్తి షెడ్యూల్ ఇదే..
