అక్షరటుడే, వెబ్డెస్క్: IPF UAE 24×7 Help | యునైటెడ్ అరబ్ ఎమిరెట్స్లో నివసిస్తున్న భారతీయుల కోసం “ఇండియన్ పీపుల్స్ ఫోరం – యూఏఈ (IPF-UAE)” కీలక నిర్ణయం తీసుకుంది. 24×7 కమ్యూనిటీ హెల్ప్ సర్వీస్ను అందుబాటులో ఉంచింది. అత్యవసర పరిస్థితులు, సహాయం, మార్గదర్శకం అవసరమైన సందర్భాల్లో భారతీయులు నేరుగా సంబంధిత చాప్టర్ కన్వీనర్ను సంప్రదించవచ్చని ఫోరం పేర్కొంది.
IPF UAE 24×7 Help | భారతీయులకు సేవలు..
Indian Peoples Forum UAE ప్రకటించిన వివరాల ప్రకారం.. యూఏఈలోని ఏడు ఎమిరేట్స్తో పాటు Al Ain లో నివసిస్తున్న భారతీయులకు ఈ హెల్ప్లైన్ సేవలు అందుబాటులో ఉంటాయి. ఉద్యోగ సంబంధిత ఇబ్బందులు, కమ్యూనిటీ సమస్యలు, లీగల్ గైడెన్స్, అత్యవసర పరిస్థితులు వంటి అంశాల్లో కన్వీనర్లు 24 గంటలు, వారంలో 7 రోజులు అందుబాటులో ఉండి సహాయం అందిస్తారు.
ఫోరం ప్రతినిధులు వెల్లడించిన ప్రకారం, స్థానిక ఛాప్టర్ కన్వీనర్లతో పాటు స్టేట్ కౌన్సిల్ సభ్యులను సంప్రదించవచ్చు. ప్రతి ఎమిరేట్లో ప్రత్యేక ప్రతినిధులను నియమించారు. వీరు వేగవంతమైన సహాయం అందేలా వ్యవస్థను రూపొందించారు.
IPF UAE 24×7 Help | పంచుకున్న ఎంపీ అర్వింద్..
ఎంపీ ధర్మపురి అర్వింద్ Arvind Dharmapuri ఈ విషయాన్ని తన అధికారిక ఎక్స్ (ట్విట్టర్) ఖాతా ద్వారా పంచుకున్నారు. ఆయన పోస్టులో IPF-UAE సేవలను సద్వినియోగం చేసుకోవాలని, అవసరమైన వారికి సమాచారం చేరవేయాలని సూచించారు.
యూఏఈలో భారీగా భారతీయులు నివసిస్తున్న నేపథ్యంలో.. ఇలాంటి 24×7 కమ్యూనిటీ హెల్ప్ వ్యవస్థ వారికి భరోసానిచ్చే చర్యగా భావిస్తున్నారు. అత్యవసర పరిస్థితుల్లో సమయానికి సహాయం అందించడమే లక్ష్యంగా ఈ సహాయ కార్యక్రమాన్ని బలోపేతం చేస్తున్నట్లు ఫోరం వెల్లడించింది.
