అక్షరటుడే, వెబ్డెస్క్ : IPL 2026 Opening Match | ఈ వేసవిలో క్రికెట్ అభిమానులకు అసలైన పండగ మొదలవుతోంది. ఇండియన్ ప్రీమియర్ లీగ్ 19వ సీజన్ మార్చి 28న ఘనంగా ప్రారంభం కానుంది. ప్రారంభ మ్యాచ్లోఆర్సీబీ (Royal Challengers Bengaluru), సన్రైజర్స్ (Sunrisers Hyderabad) జట్లు చినస్వామి స్టేడియం వేదికగా తలపడనున్నాయి.
చాలా కాలం తర్వాత చిన్నస్వామి స్టేడియం (Chinnaswamy Stadium)పై ఉన్న నిషేధం తొలగిపోవడంతో ఈ మ్యాచ్కు ప్రత్యేక ఆకర్షణ ఏర్పడింది. ఈసారి సొంత మైదానంలో ఆర్సీబీ బలంగా నిలబడాలని చూస్తోంది. గత సీజన్లో ఇక్కడ ఆడిన ఐదు మ్యాచ్లలో ఆర్సీబీ రెండు మాత్రమే గెలిచినప్పటికీ, ఈసారి పరిస్థితులు మారుతాయని అభిమానులు ఆశిస్తున్నారు.
IPL 2026 Opening Match | వర్షం పడనుందా?
ఈ మైదానంలో విరాట్ కోహ్లీ (Virat Kohli)కు అద్భుతమైన రికార్డు ఉంది. 106 ఇన్నింగ్స్ల్లో 3,618 పరుగులు చేసి కోహ్లీ తన ఆధిపత్యాన్ని చాటాడు. అతని ప్రదర్శన ఈ మ్యాచ్లో కీలకంగా మారే అవకాశం ఉంది. ఈ మ్యాచ్పై వాతావరణం కూడా ప్రభావం చూపే అవకాశం ఉంది. బెంగళూరు వాతావరణ శాఖ ప్రకారం మధ్యాహ్నం సమయంలో భారీ వర్షం కురిసే అవకాశం ఉన్నప్పటికీ, సాయంత్రం మ్యాచ్ సమయానికి వర్షం పడే అవకాశాలు కేవలం 5 శాతం మాత్రమే. ఒకవేళ వర్షం అంతరాయం కలిగించినా మ్యాచ్ పూర్తిగా రద్దు అయ్యే అవకాశం తక్కువగా ఉందని, ఓవర్లు తగ్గించే అవకాశం ఉండొచ్చని నిపుణులు చెబుతున్నారు.
IPL 2026 Opening Match | హైదరాబాద్ జట్టుకు ఇషాన్ కిషన్ కెప్టెన్సీ
ఈ సీజన్లో ఇరు జట్లు కొత్త కెప్టెన్లతో బరిలోకి దిగుతున్నాయి. ఆర్సీబీకి రజత్ పటిదార్ నాయకత్వం వహిస్తుండగా, హైదరాబాద్ జట్టుకు ఇషాన్ కిషన్ (Ishan Kishan) కెప్టెన్సీ బాధ్యతలు చేపట్టాడు. కోహ్లీ అనుభవం, పాటిదార్ నాయకత్వం ఒకవైపు ఉంటే, ట్రావిస్ హెడ్, క్లాసెన్ వంటి పవర్హిటర్లతో హైదరాబాద్ జట్టు మరోవైపు బలంగా కనిపిస్తోంది. మార్చి 28న సాయంత్రం 7:30 గంటలకు మ్యాచ్ ప్రారంభం కానుంది. టాస్ సాయంత్రం 7:00 గంటలకు వేయనున్నారు. ఈసారి చిన్నస్వామి స్టేడియంలో ఎటువంటి ఓపెనింగ్ వేడుకలు నిర్వహించడం లేదని నిర్వాహకులు తెలిపారు. ప్రేక్షకులు ఈ మ్యాచ్ను స్టార్ స్పోర్ట్స్ ఛానెళ్లలో ప్రత్యక్ష ప్రసారంగా వీక్షించవచ్చు. మొబైల్ వినియోగదారులు జియో హాట్స్టార్ యాప్, వెబ్సైట్ ద్వారా లైవ్ స్ట్రీమింగ్ను చూడవచ్చు.
ఇది కూడా చదవండి : IPL 2026 schedule | ఐపీఎల్ పూర్తి షెడ్యూల్ విడుదల
