అక్షరటుడే, వెబ్డెస్క్ : IPL 2026 Schedule | టీ 20 ప్రపంచ కప్ క్రికెట్ ప్రేమికులు మస్త్ మజా ఇచ్చింది. మొన్నటి వరకు జరిగిన మ్యాచ్లతో దేశంలోని క్రీడాభిమానులు టీవీలకు అతుక్కుపోయారు. ప్రపంచ కప్ సంబరం అయిపోగానే.. మరో క్రికెట్ పండుగ ప్రారంభం కానుంది. ఐపీఎల్ షెడ్యూల్ను తాజాగా బీసీసీఐ విడుదల చేసింది.
ఐపీఎల్ 2026ను రెండు సెషన్లలో నిర్వహించనున్నారు. ఇందులో తొలి విడుత మ్యాచ్ల షెడ్యూల్ను బీసీసీఐ (BCCI) ప్రకటించింది. ఐసీసీ టీ20 ప్రపంచ కప్లో టీం ఇండియా తమ టైటిల్ను విజయవంతంగా నిలబెట్టుకున్న తర్వాత, క్రికెట్ అభిమానులు ఇప్పుడు రాబోయే ఇండియన్ ప్రీమియర్ లీగ్ (ఐపీఎల్) ఎడిషన్పై దృష్టి సారించారు.
IPL 2026 Schedule | అతిపెద్ద సీజన్
ఐపీఎల్ 2026 సీజన్ టోర్నమెంట్ 19వ ఎడిషన్. ఇది ఇప్పటివరకు అతిపెద్ద IPL సీజన్గా ఉండనుంది. గత ఎడిషన్లో 74 మ్యాచ్లు నిర్వహించగా.. ఈ సీజన్లో 84 మ్యాచ్లు ఉంటాయి. ఈ నెల 28 నుంచి మ్యాచ్లు ప్రారంభం కానున్నాయి. తొలి మ్యాచ్లో బెంగళూరు (RCB), హైదరాబాద్ (SRH) జట్లు తలపడనున్నాయి. బెంగళూరులోని చిన్నస్వామి స్టేడియంలో తొలి మ్యాచ్ జరగనుంది. ఏప్రిల్ 12 వరకు మ్యాచ్లు నిర్వహించనున్నారు.
IPL 2026 Schedule | ఎన్నికల నేపథ్యంలో..
అస్సాం (Assam), పశ్చిమ బెంగాల్ (West Bengal), తమిళనాడు, కేరళలో త్వరలో అసెంబ్లీ ఎన్నికలు జరగనున్నాయి. వాటికి ఎన్నికల షెడ్యూల్ విడుదల కానుంది. దీంతో ఆయా రాష్ట్రాల్లో మ్యాచ్లు నిర్వహిస్తే భద్రత, ఇతర కారణాలతో ఇబ్బందులు తలెత్తె అవకాశం ఉంది. దీంతో ఎన్నికల షెడ్యూల్ విడుదల అయ్యాక మిగతా మ్యాచ్ల నిర్వహణపై బీసీసీఐ ప్రకటన చేయనుంది.
ఇది కూడా చదవండి : BCCI Reward India | టీమ్ ఇండియాకు బీసీసీఐ భారీ నజరానా.. ఎన్ని కోట్లో తెలుసా!
