అక్షరటుడే, వెబ్డెస్క్ : IPL Betting Warning | దేశంలో ఐపీఎల్ సందడి మరి కొద్ది గంటల్లో ప్రారంభం కానుంది. ఈ రోజు సాయంత్రం ఆర్సీబీ, ఎస్ఆర్హెచ్ మధ్య తొలి మ్యాచ్ జరగనుంది. ఐపీఎల్ (IPL) అంటే ఫోర్లు, సిక్సులు, వికెట్లు, ఉత్కంఠరేపే మ్యాచ్లతో పాటు బెట్టింగ్లు ఉంటాయి. ఈ క్రమంలో హైదరాబాద్సీపీ సజ్జనార్ కీలక సూచనలు చేశారు.
ప్రతి ఐపీఎల్ సీజన్లో జోరుగా బెట్టింగ్ సాగుతుంది. బంతి బంతికి బెట్టింగ్ కట్టేవారు ఉన్నారు. కొంతమంది ఆన్లైన్లో బెట్టింగ్ పెడుతుండగా.. మరికొందరు ఆఫ్లైన్లో పెడుతుంటారు. ప్రతి సంవత్సరం ఐపీఎల్ సందర్భంగా కోట్ల రూపాయల బెట్టింగ్ దందా సాగుతుంది. అనేక మంది యువత బెట్టింగ్లకు బానిసలు మారి జీవితాలను నాశనం చేసుకుంటున్నారు. ఈ క్రమంలో సీపీ సజ్జనార్ (CP Sajjanar) ఓ వీడియో విడుదల చేశారు. క్రికెట్ను క్రీడగా ఆస్వాదించాలని, బెట్టింగ్ ఊబిలో పడి జీవితాలను నాశనం చేసుకోవద్దని విజ్ఞప్తి చేశారు.
IPL Betting Warning | కఠిన చర్యలు
డబ్బు కోసం ప్రమాదకరమైన యాప్లను ప్రమోట్ చేసే సోషల్ మీడియా (Social Media) ఇన్ఫ్లుయెన్సర్లపై కఠిన చర్యలు తీసుకుంటామని సజ్జనార్ హెచ్చరించారు. బెట్టింగ్ వల్ల అప్పులపాలై కుటుంబాలు రోడ్డున పడే పరిస్థితి తెచ్చుకోవద్దని సూచించారు. ఎవరైనా బెట్టింగ్కు పాల్పడుతున్నట్లు తెలిస్తే వెంటనే డయల్ 100 లేదా వాట్సాప్ నంబర్ 94906 16555 కు సమాచారం ఇవ్వాలని కోరారు.
IPL Betting Warning | నిషేధించినా..
గతంలో ప్రభుత్వం వందలాది యాప్లను నిషేధించిందని సీపీ తెలిపారు. అయితే టెలిగ్రామ్, వాట్సాప్, ఇన్స్టాగ్రామ్ వంటి సోషల్ మీడియా వేదికగా ఈ దందా కొత్త రూపం దాల్చిందన్నారు. ఆన్లైన్ మాత్రమే కాకుండా ఫామ్ హౌస్లు, రహస్య ప్రాంతాల్లో సాగే ఆఫ్లైన్ బెట్టింగ్లపై ప్రత్యేక నిఘా పెట్టామన్నారు. బెట్టింగ్కు అలవాటు పడొద్దని సూచించారు.
ఇది కూడా చదవండి..: Footpath Encroachments | ఫుట్పాత్ ఆక్రమణలపై ఉక్కుపాదం
