అక్షరటుడే, వెబ్డెస్క్ : IQOO 15R 5G | చైనాకు చెందిన ప్రముఖ స్మార్ట్ ఫోన్ (Smart Phone) తయారీ సంస్థ ఐక్యూ.. భారీ బ్యాటరీ, శక్తిమంతమైన ప్రాసెసర్తో మరో మోడల్ ఫోన్ను తీసుకువచ్చింది. ఐక్యూ 15ఆర్ ను లాంచ్ చేసింది.
ఇది గేమింగ్, మల్టీ టాస్కింగ్కు అనుకూలంగా ఉంటుందని కంపెనీ తెలిపింది. మార్చి 3 మధ్యాహ్నం 12 గంటలకు సేల్ ప్రారంభమైంది. అమెజాన్ (Amazon)తో పాటు కంపెనీ అధికారిక వెబ్సైట్, ఆఫ్లైన్ స్టోర్లలోనూ అందుబాటులో ఉంది. ఫోన్ స్పెసిఫికేషన్స్ ఇలా ఉన్నాయి.
డిస్ప్లే : 6.59 ఇంచ్ 1.5కే అమోలెడ్ డిస్ప్లేతో రానుంది. ఇది 144 హెడ్జ్ రిఫ్రెష్ రేట్, 1440 * 3168 పిక్సల్స్ రిజల్యూషన్, ఐపీ68/ఐపీ69 వాటర్ అండ్ డస్ట్ రెసిస్టన్స్ సర్టిఫికెట్ కలిగి ఉంది. 5000 నిట్స్ లోకల్ పీక్ బ్రైట్నెస్ను అందిస్తుంది. స్చోట్ షీల్డ్ గ్లాస్ ప్రొటెక్షన్ను కలిగి ఉంది.
IQOO 15R 5G | సాఫ్ట్వేర్
స్నాప్ డ్రాగన్ 8 ఎలైట్ జెన్ 5 ప్రాసెసర్తో వస్తోంది. ఇది ఆండ్రాయిడ్ 16 ఆధారిత అరిజిన్ ఓఎస్ 6 ఆపరేటింగ్ సిస్టంతో పనిచేస్తుంది. 3.5 మిలియన్ అంటుటు స్కోర్ కలిగి ఉంది. ఆరేళ్ల పాటు సెక్యూరిటీ, నాలుగేళ్లపాటు ఆపరేటింగ్ సిస్టం అప్డేట్స్ ఇవ్వనున్నట్లు కంపెనీ తెలిపింది. దీనిలోని 6.5 ఐస్కోర్ వీసీ కూలింగ్ సిస్టమ్ పది నిమిషాలలో 15 డిగ్రీల సెల్సియస్ వరకు టెంపరేచర్ను తగ్గిస్తుందని కంపెనీ పేర్కొంది.
కెమెరా : వెనకవైపు 200 మెగా పిక్సెల్ సోనీ ఎల్వైటీ 700వీ ఓఐఎస్ మెయిన్ వైడ్ కెమెరాతో పాటు 8 మెగా పిక్సెల్ అల్ట్రా వైడ్ లెన్స్, 2 మెగా పిక్సెల్ టెలీఫొటో లెన్స్తో కూడిన ట్రిపుల్ కెమెరా (Triple Camera) సెట్ అప్ ఉంటుంది. ముందువైపు సెల్ఫీలు, వీడియో కాల్స్ కోసం 32 మెగా పిక్సెల్ ఫ్రంట్ కెమెరా ఉండనుంది.
బ్యాటరీ : 7600 ఎంఏహెచ్ (లిథియం అయాన్) బ్యాటరీ సామర్థ్యం గల ఫోన్.. 100 వాట్ ఫాస్ట్ చార్జింగ్ను సపోర్ట్ చేస్తుంది. పది నిమిషాలలో 20 నుంచి 44 శాతం వరకు చార్జ్ అవుతుందని కంపెనీ తెలిపింది. పూర్తి చార్జింగ్తో 3.1 గంటలపాటు గేమింగ్, 16.3 గంటలపాటు వీడియో ప్లేబ్యాక్, 7.1 గంటల పాటు సోషల్ మీడియా, 2.4 గంటల పాటు వీడియో రికార్డింగ్ చేయవచ్చని పేర్కొంది.
IQOO 15R 5G | వేరియంట్స్..
డార్క్ నైట్, ట్రయంఫ్ సిల్వర్ కలర్స్లో మూడు వేరియంట్లలో అందుబాటులో ఉంది.
8 జీబీ ర్యామ్, 256 జీబీ ఇంటర్నల్ స్టోరేజ్ వేరియంట్ ధర రూ. 44,999.
12 జీబీ ర్యామ్, 256 జీబీ ఇంటర్నల్ స్టోరేజ్ వేరియంట్ ధర రూ. 47,999.
12 జీబీ ర్యామ్, 512 జీబీ ఇంటర్నల్ స్టోరేజ్ వేరియంట్ ధర రూ. 52,999.
IQOO 15R 5G | లాంచ్ ఆఫర్..
స్పెషల్ లాంచ్ ఆఫర్ కింద ఐసీఐసీఐ, హెచ్డీఎఫ్సీ, యాక్సిస్ బ్యాంక్ క్రెడిట్ కార్డులతో చేసే కొనుగోళ్లపై రూ. 4 వేల వరకు తక్షణ డిస్కౌంట్ వర్తించనుంది.
ఇది కూడా చదవండి..: Motorola Edge 70 Fusion | మోటోరోలానుంచి మరో ఫోన్.. 6న లాంచ్ చేయనున్న కంపెనీ
