అక్షరటుడే, బిజినెస్ డెస్క్: అత్యాధునిక ఫీచర్లతో ఐకూ మరో మోడల్ను తీసుకువచ్చింది. 15 సిరీస్లో ఐకూ 15ఆర్ను (iQOO 15R Launch) భారత మార్కెట్లో విడుదల చేసింది. సేల్స్ వచ్చేనెల 3నుంచి ప్రారంభం కానున్నాయి. గేమింగ్ లవర్స్ కోసం ఐకూ మరో కొత్త మోడల్ను భారత మార్కెట్లో లాంచ్ చేసింది. స్నాప్డ్రాగన్ 8 జెన్ 5 ప్రాసెసర్, 7,600 ఎంఏహెచ్ బిగ్ బ్యాటరీతో తీసుకువచ్చిన ఐకూ 15ఆర్.. అమెజాన్, ఐకూ ఇండియా, వివో రిటైల్ స్టోర్లలో అందుబాటులో ఉండనుంది. ప్రీ బుకింగ్స్ ప్రారంభమయ్యాయి. మార్చి 3 నుంచి సేల్ ప్రారంభం కానుంది. ఈ ఫోన్ స్పెసిఫికేషన్స్ ఇలా ఉన్నాయి..
iQOO 15R Launch | డిస్ప్లే..
6.59 అంగుళాల 1.5కే అమోలెడ్ డిస్ప్లే అమర్చారు. 144 హెచ్జెడ్ రిఫ్రెష్ రేట్ కలిగి ఉంది. 5,000 నిట్స్ పీక్ బ్రైట్నెస్ ఎండలో కూడా స్పష్టమైన విజువల్స్ ఇస్తుంది. ఐపీ68, ఐపీ 69 రేటింగ్ ఉంది.
iQOO 15R Launch | సాఫ్ట్వేర్..
స్నాప్డ్రాగన్ 8 జెన్ ఎస్5 ప్రాసెసర్ అమర్చారు. ఇది ఆండ్రాయిడ్ 16 ఆధారిత ఆరిజిన్ ఓఎస్ 6తో పనిచేస్తుంది. దీనికి నాలుగేళ్లు ఆండ్రాయిడ్ అప్డేట్స్, ఆరేళ్ల పాటు సెక్యూరిటీ అప్డేట్స్ ఇస్తామని కంపెనీ తెలిపింది.
కెమెరా సెటప్..
వెనకవైపు 50 ఎంపీ సోనీ ఎల్వైటీ 700వీ ప్రధాన కెమెరా ఇచ్చారు. ఇది ఆప్టికల్ ఇమేజ్ స్టెబిలైజేషన్తో వస్తోంది. 8 ఎంపీ అల్ట్రావైడ్ యాంగిల్ కెమెరా ఉంది. సెల్ఫీలు, వీడియో కాలింగ్ కోసం ముందు వైపు 32 ఎంపీ కెమెరా ఉంది. దీంతో 4కే వీడియోలను రికార్డ్ చేయొచ్చు.
బ్యాటరీ సామర్థ్యం..
7,600 ఎంఏహెచ్ బ్యాటరీ 100 డబ్ల్యూ ఫాస్ట్ చార్జింగ్ను సపోర్ట్ చేస్తుంది.
వేరియంట్స్..
డార్క్ నైట్, ట్రయంఫ్ కలర్ ఆప్షన్లలో మూడు స్టోరేజీ వేరియంట్లలో లభిస్తుంది.
8జీబీ, 256జీబీ వేరియంట్ ధర రూ.44,999.
12జీబీ, 256జీబీ వేరియంట్ రూ.47,999.
12జీబీ, 512జీబీ వేరియంట్ రూ.52,999.
ప్రారంభ ఆఫర్స్..
హెచ్డీఎఫ్సీ, యాక్సిస్ బ్యాంక్ క్రెడిట్కార్డ్/డెబిట్ కార్డులతో చేసే కొనుగోళ్లపై రూ.4వేల వరకు డిస్కౌంట్ లభిస్తుంది. ప్రారంభ ఆఫర్లో భాగంగా ప్రీ బుకింగ్ చేసుకునేవారికి రూ.1899 విలువ చేసే ఐకూ/వివో టీడబ్ల్యూఎస్ను ఉచితంగా అందిస్తున్నారు.
ఇది కూడా చదవండి..: Nothing Phone 4A | కొత్త లుక్తో నథింగ్ నుంచి మరో ఫోన్.. లాంచింగ్ ఎప్పుడంటే?
