అక్షరటుడే, వెబ్డెస్క్: iQOO Z11x 5G | చైనాకు చెందిన ఐక్యూ బడ్జెట్ ధరలో సరికొత్త 5జీ స్మార్ట్ ఫోన్ (Smart Phone)ను భారత మార్కెట్లో రిలీజ్ చేయడానికి సన్నద్ధమయ్యింది. ఐక్యూ జెడ11ఎక్స్ పేరుతో ఈనెల 12న మధ్యాహ్నం 12 గంటలకు విడుదల చేయనున్నట్లు ప్రకటించింది.
భారీ బ్యాటరీ, శక్తిమంతమైన ప్రాసెసర్తో తీసుకువస్తున్న ఈ ఫోన్ కంపెనీ అధికారిక వెబ్ సైట్తో పాటు అమెజాన్ (Amazon)లోనూ అందుబాటులో ఉండనుంది. ఆన్లైన్ ప్లాట్ఫాంలలో రివీల్ అయిన వివరాల ప్రకారం దీని స్పెసిఫికేషన్స్ ఇలా ఉండనున్నాయి.
డిస్ప్లే : 6.72 ఇంచ్ ఐపీఎస్ ఎల్సీడీ డిస్ప్లే ఉంటుంది. ఇది 120 హెడ్జ్ రిఫ్రెష్ రేట్, 1080 X 2400 పిక్సల్స్ రిజల్యూషన్ సపోర్ట్ చేస్తుంది.
ఐపీ68 /ఐపీ69 వాటర్ అండ్ డస్ట్ రెసిస్టన్స్ రేటింగ్ ఉంది.
ప్రాసెసర్ : మీడియాటెక్ డైమెన్సిటీ 7400 టర్బో ప్రాసెసర్ ఉంది. ఇది ఆండ్రాయిడ్ 16 ఆధారిత ఆరిజిన్ ఓఎస్ 6 ఆపరేటింగ్ సిస్టంతో పనిచేస్తుంది. రెండేళ్లపాటు ఓఎస్, నాలుగేళ్లపాటు సెక్యూరిటీ అప్డేట్స్ ఇవ్వనుంది.
ఈ సెగ్మెంట్లో 10 లక్షల అంటుటు స్కోర్ కలిగి ఉన్న ఫోన్ ఇదేనని కంపెనీ తెలిపింది.
కెమెరా సెటప్ : వెనకవైపు 50 మెగా పిక్సెల్ సోనీ ఏఐ మెయిన్ వైడ్ కెమెరాతో పాటు 2 మెగా పిక్సెల్ టెలీఫొటో లెన్స్తో కూడిన ట్రిపుల్ కెమెరా సెట్ అప్ ఉంది. ముందువైపు సెల్ఫీలు, వీడియో కాల్స్ కోసం 32 మెగా పిక్సెల్ ఫ్రంట్ కెమెరా ఇచ్చారు. దీనితో 4కే వీడియో రికార్డింగ్ చేయవచ్చు.
బ్యాటరీ సామర్థ్యం : 7200 ఎంఏహెచ్ బ్యాటరీ అమర్చారు. ఇది 44 వాట్ ఫాస్ట్ చార్జింగ్ను సపోర్ట్ చేస్తుంది. రివర్స్ చార్జింగ్ సౌలభ్యమూ ఉంది. బ్యాటరీ ఆరేళ్లపాటు మన్నుతుందని కంపెనీ చెబుతోంది. ఒక్కసారి ఫుల్ చార్జ్ చేస్తే 40 గంటల పాటు వీడియో, 93 గంటలపాటు ఆడియో ప్లేబ్యాక్, 15.4 గంటలపాటు గేమింగ్, 18.7 గంటలపాటు సోషల్ మీడియా చూడొచ్చని పేర్కొంది.
iQOO Z11x 5G | అదనపు ఫీచర్లు..
సర్కిట్ టు సెర్చ్, ఏఐ క్రియేషన్, ఏఐ గేమ్ వాయిస్ చేంజర్, 4దీ గేమ్ వైబ్రేషన్ వంటి ఫీచర్స్ ఉన్నాయి.
iQOO Z11x 5G | వేరియంట్స్ :
ప్రిస్మాటిక్ గ్రీన్, టైటాన్ బ్లాక్ కలర్స్లో లభిస్తుంది.
6 జీబీ ర్యామ్, 128 జీబీ ఇంటర్నల్ స్టోరేజ్ వేరియంట్, 8 జీబీ ర్యామ్, 128 జీబీ ఇంటర్నల్ స్టోరేజ్ వేరియంట్, 8 జీబీ ర్యామ్, 256 జీబీ ఇంటర్నల్ స్టోరేజ్ వేరియంట్స్లో అందుబాటులో ఉండే అవకాశాలున్నాయి. బేస్ వేరియంట్ ప్రారంభ ధర రూ. 18 వేలలోపు ఉండే అవకాశాలున్నాయని భావిస్తున్నారు.
ఇది కూడా చదవండి..: Gold Silver Rates Today | భగ్గుమంటున్న పసిడి ధరలు.. ఆదివారం గోల్డ్, సిల్వర్ రేట్లు ఇలా ఉన్నాయి!
