అక్షరటుడే, వెబ్డెస్క్: Iran Airport Attack | పశ్చిమాసియాలో ఉద్రిక్తతలు కొనసాగుతున్నాయి. ఇరాన్పై ఇజ్రాయెల్, అమెరికా దాడులు ఆగడం లేదు. మరోవైపు ఇరాన్ సైతం బాంబుల వర్షం కురిపిస్తోంది.
టెహ్రాన్లోని మెహ్రాబాద్ ఎయిర్పోర్ట్ (Mehrabad Airport)పై శుక్రవారం రాత్రి ఇజ్రాయెల్ దాడి చేసింది. ఈ ఘటనలో పలు విమానాలు దగ్ధం అయ్యాయి. యుద్ధంత ఇరాన్లో ఇప్పటి వరకు 1300కు పైగా మృతి చెందారు. ఇజ్రాయెల్లోని ప్రధాన అంతర్జాతీయ విమానాశ్రయం (International Airport) టెల్ అవీవ్లోని బెన్ గురియన్ ఇంటర్నేషనల్ ఎయిర్పోర్ట్పై మిస్సైళ్లు, డ్రోన్లతో ఇరాన్ భీకర దాడులు చేసింది. కువైట్, యూఏఈలోని ఇజ్రాయెల్, యూఎస్ స్థావరాలను లక్ష్యంగా చేసుకున్నట్లు ఇరాన్ సైన్యం తెలిపింది.
Iran Airport Attack | భారీగా ఆయుధాలు
ఇజ్రాయెల్కు అమెరికా భారీగా మందుగుండు సామగ్రి, ఆయుధాలు సరఫరా చేసింది. శనివారం రాత్రి యుద్ధం మరింత తీవ్ర రూపం దాల్చనున్నట్లు సమాచారం. బాంబుల మోత మోగిపోతుందని అమెరికా (America) వార్నింగ్ ఇచ్చింది. ఇప్పటికే ఇరాన్లోని 3వేలకు పైగా లక్ష్యాలను ధ్వంసం చేశామని తెలిపింది.
Iran Airport Attack | ఇరాన్ వార్నింగ్
హార్ముజ్ జలసంధి (Strait of Hormuz) ద్వారా రవాణాను ఇరాన్ అడ్డుకున్న విషయం తెలిసిందే. అయితే నౌకలు తమ దళాలు రక్షణ కల్పిస్తాయని అమెరికా ప్రకటించింది. ఈ వ్యాఖ్యలపై ఇరాన్ తీవ్రంగా స్పందించింది. యూఎస్ దళాలు నౌకలకు రక్షణ కల్పించే వరకు తాము వేచి ఉన్నామని ఇరాన్ రివల్యూషనరీ గార్డ్స్ తెలిపింది. అటువంటి చర్య తీసుకునే ముందు గత సంఘటనలను గుర్తుంచుకోవాలని హెచ్చరించింది.
ఇది కూడా చదవండి..: Iran Israel Conflict | పశ్చిమాసియాలో కొనసాగుతున్న ఉద్రిక్తతలు
