అక్షరటుడే, వెబ్డెస్క్: Iran AWS Attack | మధ్యప్రాచ్యంలో ఉద్రిక్తతలు రోజురోజుకూ మరింత పెరుగుతున్నాయి. ఈ నేపథ్యంలో Islamic Revolutionary Guard Corps (IRGC) బహ్రెయిన్లోని ఒక కీలక డేటా సెంటర్పై క్షిపణి దాడి చేసినట్లు అంతర్జాతీయ మీడియాలు పేర్కొంటున్నాయి. ఈ దాడి Amazon Web Services (AWS) మౌలిక వసతులు ఉన్న ప్రాంతాన్ని లక్ష్యంగా చేసుకున్నట్లు తెలుస్తోంది.
Iran AWS Attack | క్లౌడ్ సర్వర్లు..
బహ్రెయిన్ టెలికాం సంస్థ Batelco పరిధిలో ఉన్న ఈ డేటా సెంటర్లో అమెజాన్ క్లౌడ్ సేవలకు సంబంధించిన సర్వర్లు ఉన్నాయని సమాచారం. క్షిపణి దాడి కారణంగా సర్వర్లు తీవ్రంగా దెబ్బతినడంతో కొన్ని క్లౌడ్ సేవల్లో అంతరాయం ఏర్పడినట్లు తెలుస్తోంది.
ఈ దాడి వెనుక ఉద్దేశం అమెరికా ఆధారిత వాణిజ్య సంస్థలను లక్ష్యంగా చేసుకోవడమేనని విశ్లేషకులు అభిప్రాయం వ్యక్తం చేస్తున్నారు. ఇటీవలి కాలంలో అమెరికాకు చెందిన సంస్థలపై Iran సైబర్, ప్రత్యక్ష దాడులను పెంచింది. ఈ నేపథ్యంలో ఈ ఘటనకు ప్రాధాన్యం సంతరించుకుంది.
Iran AWS Attack | భద్రతపై ఆందోళన
అయితే, ఈ ఘటనపై Amazon కానీ, బహ్రెయిన్ ప్రభుత్వం నుంచి కానీ ఇంకా అధికారిక ప్రకటన వెలువడలేదు. దాడి తీవ్రత, సేవలపై ప్రభావం, భవిష్యత్ భద్రతా చర్యలపై మరిన్ని వివరాలు తెలియాల్సి ఉంది.
