అక్షరటుడే, వెబ్డెస్క్: Iran Underground Weapons | మధ్యప్రాచ్యంలో ఉద్రిక్తతలు రోజురోజుకీ పెరుగుతున్నాయి. ఈ నేపథ్యంలో ఇరాన్ ఫార్స్ న్యూస్ ఏజెన్సీ (Iran Fars News Agency) ఓ వీడియోను విడుదల చేసింది. భూగర్భ సొరంగంలో డ్రోన్లు, అన్మాన్డ్ ఏరియల్ వెహికల్స్ (UAVలు), రాకెట్ లాంచర్లతో నిండి ఉన్న దృశ్యాలు ఈ వీడియోలో కనిపించాయి.
Iran Underground Weapons | భూగర్భ సొరంగంలో..
52 సెకన్ల నిడివి గల ఈ వీడియోలో బహుళ లాంచ్ సిస్టమ్స్పై అమర్చిన డ్రోన్లు, UAVలు కనిపించాయి. సొరంగం గోడలకు ఇరాన్ జాతీయ జెండాలు, మాజీ సుప్రీం లీడర్ అయతుల్లా ఖామేనీ (Ayatollah Khamenei) చిత్రాలు ఉన్నాయి. కాగా.. ఈ వీడియో ప్రస్తుతం సోషల్ మీడియా మాద్యమాల్లో వైరల్ అవుతోంది. అయితే ఈ వీడియో విడుదలపై స్పష్టత లేదు.
Iran Underground Weapons | మరింత పెరిగిన ఉద్రిక్తతలు
ఇరాన్ మీడియా (Iran Media) ఈ వీడియోను విడుదల చేయడంతో ఈ ప్రాంతంలో శాంతి ఇప్పట్లో సాధ్యం కాదని స్పష్టమవుతోంది. ఇరాన్ ఇప్పటికే పలు అమెరికా సైనిక స్థావరాలను లక్ష్యంగా చేసుకుని దాడులు చేస్తోంది. ఇప్పటివరకు కతార్లోని అల్-ఉదైద్ ఎయిర్ బేస్, కువైట్, యూఏఈ, బహ్రెయిన్లలోని అమెరికన్ ఎయిర్ బేస్లపై ఇరాన్ దాడులు చేసినట్లు సమాచారం. అలాగే సైప్రస్లోని బ్రిటీష్ సైనిక స్థావరం (British Military Base), యూఏఈలోని ఫ్రెంచ్ నౌకాదళ సౌకర్యంపై కూడా దాడులు జరిగాయి.
Iran Underground Weapons | కూలిన అమెరికన్ F-15 జెట్లు
ఉద్రిక్తతల మధ్య అమెరికా F-15 ఫైటర్ జెట్ కూలినట్లు సమాచారం. అయితే ఇది పొరుపాటు వల్ల జరిగిందని అమెరికా చెబుతోంది. కువైట్ పొరపాటున మూడు అమెరికన్ F-15E స్ట్రైక్ ఈగల్స్ విమానాలను కూల్చివేసిందని ప్రకటించింది. అయితే, ఆరుగురు సిబ్బంది సురక్షితంగా బయటపడ్డట్లు తెలుస్తోంది.
Iran Underground Weapons | ట్రంప్ తీవ్ర హెచ్చరిక
మద్యప్రాచర్యంలో పరిస్థితి మరింత తీవ్రంగా మారుతున్న నేపథ్యంలో అమెరికా అధ్యక్షుడు ట్రంప్ (US President Trump) ఇరాన్కు తీవ్రమైన హెచ్చరికలు జారీ చేశారు. ఇరాన్పై మరింత కఠిన చర్యలు తీసుకుంటామని హెచ్చరించారు. 48 మంది ఇరాన్ నాయకులు, సుప్రీం లీడర్ అయతుల్లా ఖామెనేయి సహా, యుద్ధంలో మరణించినట్లు వెల్లడించారు.
Iran releases footage of its drone arsenal and launches towards US-Israeli targets in the region.
Follow https://t.co/B3zXG73Jym pic.twitter.com/FbUcK8CtqL
— Press TV 🔻 (@PressTV) March 2, 2026
ఇది కూడా చదవండి..: India Oil Reserves | యుద్ధం కొనసాగితే ‘బండి’ నడిచేనా?.. భారత్ వద్ద ఎన్ని రోజులకు సరిపడా పెట్రోల్ నిల్వలున్నాయంటే..?
