అక్షరటుడే, వెబ్డెస్క్ : Iran Warning to Trump | అమెరికా అధ్యక్షుడు డోనాల్డ్ ట్రంప్ (Donald Trump)కు ఇరాన్ వార్నింగ్ ఇచ్చింది. తమ దేశ మౌలిక సదుపాయాలపై దాడులు చేస్తే ఊరుకోమని హెచ్చరించింది.
పశ్చిమాసియా రగిలిపోతుంది. ఇరాన్– ఇజ్రాయెల్, అమెరికా మధ్య యుద్ధం కొనసాగుతోంది. దీంతో ప్రపంచ దేశాలపై తీవ్ర ప్రభావం పడింది. ముఖ్యంగా ఇరాన్ హార్ముజ్ జలసంధి (Strait of Hormuz)ని మూసి వేయడంతో గల్ఫ్ దేశాల నుంచి ముడి చమురు, గ్యాస్ రవాణా నిలిచిపోయింది. దీంతో అనేక దేశాల్లో సంక్షోభం నెలకొంది. ఈ క్రమంలో అమెరికా అధ్యక్షుడు ట్రంప్ ఇరాన్కు అల్టీమేటం జారీ చేశారు. 48 గంటల్లో హార్ముజ్ జలసంధిని ఓపెన్ చేయాలని ఆదేశించారు. లేదంటే ఇరాన్లోని కీలక విద్యుత్ కేంద్రాలపై దాడులు చేస్తామని హెచ్చరించారు.
Iran Warning to Trump | ఇరాన్ కౌంటర్
ట్రంప్ హెచ్చరికలకు ఇరాన్ స్ట్రాంగ్ కౌంటర్ ఇచ్చింది. అమెరికాకు ఇదే చివరి వార్నింగ్ అని చెప్పింది. తమ దేశ మౌలిక సదుపాయాలపై దాడి చేస్తే ఊరుకోమని తెలిపింది. అమెరికా మిత్ర దేశాలపైనా తీవ్ర స్థాయిలో దాడులు చేస్తామని హెచ్చరించింది. ఆయిల్, ఎల్పీజీ, ఎల్ఎన్జీ, ఐటీ, నీటిశుద్ధి కేంద్రాలను ధ్వంసం చేస్తామని వార్నింగ్ ఇచ్చింది. ఈ మేరకు ఇరాన్ సైనిక ఆపరేషనల్ కమాండ్ ఖతమ్ అల్-అన్బియా ఒక ప్రకటన విడుదల చేసింది.
దీనిని కూడా చదవండి : Cyber Fraud | లింక్ పంపి.. ఎమ్మెల్యే ఖాతా ఖాళీ చేసిన సైబర్ నేరగాళ్లు
