అక్షరటుడే, వెబ్డెస్క్: Iran Yuan Oil Payments | పశ్చిమాసియాలో ఉద్రిక్తతలు చల్లారడం లేదు. అమెరికా, (America) ఇజ్రాయెల్పై ప్రతీకార దాడులను ఇరాన్ కొనసాగిస్తోంది. మరోవైపు హార్ముజ్ జలసంధిని మూసివేసి ప్రపంచ దేశాల ఆర్థిక వ్యవస్థలపై ప్రభావానికి కారణం అయింది. ఈ క్రమంలో తాజాగా హార్ముజ్ జలసంధి ద్వారా నౌకల అనుమతులకు గ్రీన్ సిగ్నల్ ఇవ్వడానికి అంగీకరించినట్లు సమాచారం. అయితే డాలర్కు బదులుగా.. చైనీస్ యువాన్లో చెల్లింపులు చేయాలని స్పష్టం చేసినట్లు తెలుస్తోంది.
ఖమేనీ మృతికి ప్రతీకారం తీర్చుకుంటామని ఇరాన్ ఇప్పటికే ప్రకటించింది. హార్ముజ్ (Hormuz) జలసంధి మూసివేతతో ఇరాన్ లాభం పొందాలని ఇటీవల కొత్త సుప్రీం లీడర్ మొజ్తాబా ఖమేనీ పేర్కొన్నారు. ఈ క్రమంలోనే ఇరాన్ అమెరికాకు షాక్ ఇస్తూ కీలక నిర్ణయం తీసుకోనున్నట్లు సమాచారం. చైనా యువాన్లను ద్వారా కొనుగోలు చేసిన ఆయిల్ మాత్రమే హార్ముజ్ జల సంధి ద్వారా అనుమతిస్తామని తెలిపినట్లు వార్తలు వస్తున్నాయి.
Iran Yuan Oil Payments | డాలర్పై తీవ్ర ప్రభావం
ప్రస్తుతం చమురు వ్యాపారం మొత్తం డాలర్ల రూపంలోనే జరుగుతోంది. అన్ని దేశాలు డాలర్లు చెల్లించి గల్ఫ్ దేశాల నుంచి ముడి చమురు కొనుగోలు చేస్తున్నాయి. దీంతో డాలర్ బలపడుతూ వచ్చింది. ఈ క్రమంలో తాజాగా ఇరాన్ డాలర్ ఆధిపత్యానికి గండిపడేలా ప్లాన్ వేసింది. చైనా యువాన్లు చెల్లించి కొనుగోలు చేసిన ముడి చమురును మాత్రమే హార్ముజ్ నుంచి అనుమతిస్తామని తెలిపింది. దీంతో చైనా యువాన్ బలపడే అవకాశం ఉంది. కాగా ఇరాన్కు చైనా (China) మిత్రదేశంగా కొనసాగుతోంది.
Iran Yuan Oil Payments | రష్యన్ ఆయిల్
ప్రస్తుతం రష్యన్ చమురులో కొద్ది భాగం మాత్రమే ప్రస్తుతం రూబుల్, యువాన్ వంటి ప్రత్యామ్నాయ కరెన్సీలలో వర్తకం చేయబడుతోంది. సౌదీ అరేబియా (Saudi Arabia) వంటి ప్రధాన ఉత్పత్తిదారుల నుంచి యువాన్లో చమురును కొనుగోలు చేసే ప్రయత్నాలతో సహా, ఇంధన మార్కెట్లలో తన కరెన్సీ వినియోగాన్ని విస్తరించడానికి చైనా కొన్నేళ్లుగా యత్నిస్తోంది. ఈ క్రమంలో తాజాగా ఇరాన్ ఆ ప్రతిపాదనను ముందుకు తీసుకు రావడం గమనార్హం.
ఇది కూడా చదవండి..: Iran India Gas Support | మధ్యప్రాచ్య ఉద్రిక్తతల మధ్య భారత్కు ఇరాన్ భరోసా.. హర్మూజ్ జలసంధి దాటిన గ్యాస్ ట్యాంకర్
