అక్షరటుడే, వెబ్డెస్క్: Israel Iran Attack | ఇరాన్ దేశంపై ఇజ్రాయెల్ శనివారం మరోసారి దాడులు చేపట్టింది. ఈసారి పగటి వేళలోనే రాజధాని తెహ్రాన్ను లక్ష్యంగా చేసుకుని దాడి చేసినట్లు ప్రపంచ మీడియా కథనం. నగర మధ్యభాగంలో భారీగా పొగలు కమ్ముకున్న దృశ్యాలు ప్రత్యక్ష సాక్ష్యాలుగా చెబుతున్నారు. ఇరాన్ సుప్రీం లీడర్ అయతొల్లా అలీ ఖమేనీ కార్యాలయాల సమీపంలో ఈ దాడి జరిగినట్లు తెలుస్తోంది.
Israel Iran Attack | పాఠశాలపై దాడి..
దాడి సమయంలో ఖమేనీ అక్కడ ఉన్నారా.. లేదా.. అనే దానిపై స్పష్టత లేదు. కాగా, భద్రతా బలగాలు ఆ ప్రాంతాన్ని పూర్తిగా మూసివేశాయి. కాగా, బాలికల పాఠశాలపై జరిగిన మరో దాడిలో 85 మంది విద్యార్థినులు మరణించినట్లు ఇరాన్ ఆరోపించింది. అమెరికా–ఇజ్రాయెల్ సంయుక్తంగా ఈ దాడి చేపట్టినట్లు పేర్కొంది. ఈ దాడిని తీవ్రంగా ఖండించింది.
Israel Iran Attack | ఇతర నగరాలపైనా..
తెహ్రాన్తో పాటు ఇతర నగరాల్లోనూ పేలుళ్లు వినిపించినట్లు సమాచారం. అగ్నిమాపక సిబ్బంది ఘటనాస్థలాలకు చేరుకున్నారు. తక్షణ సహాయక చర్యలు చేపట్టారు. గాయపడిన వారిని స్థానిక ఆసుపత్రులకు తరలిస్తున్నారు.
Israel Iran Attack | అణు కార్యక్రమం..
ఇరాన్ అణు కార్యక్రమంపై ఉద్రిక్తతలు పెరిగిన నేపథ్యంలో ఈ దాడులు చోటుచేసుకోవడం ప్రపంచ వ్యాప్తంగా ప్రాధాన్యం సంతరించుకుంది. మధ్యప్రాచ్యంలో అమెరికా ఇప్పటికే సైనిక మోహరింపులను పెంచింది.
ప్రపంచ దేశాల ఆందోళన..
ప్రాంతీయంగా ఉద్రిక్తత పరిస్థితులు నెలకొంటున్న నేపథ్యంలో ప్రపంచ దేశాలు ఆందోళన వ్యక్తం చేస్తున్నాయి. శాంతి, సంభాషణల మార్గాన్ని అనుసరించాలని ఐక్యరాజ్యసమితితోపాటు పలు దేశాలు కోరుతున్నాయి. పరిస్థితి మరింత విషమిస్తే మధ్యప్రాచ్యంలో భారీ యుద్ధ వాతావరణం తప్పదని హెచ్చరిస్తున్నాయి.
