అక్షరటుడే, వెబ్డెస్క్ : Israel Iran Warning | ఇరాన్ కొత్త సుప్రీం లీడర్ ముజ్తాబా ఖమేనీకి ఇజ్రాయెల్ ప్రధాని నెతన్యాహు (Netanyahu) వార్నింగ్ ఇచ్చారు. ఇరాన్లో నియంతృత్వ పాలనను అతం చేయడమే తమ లక్ష్యమన్నారు.
నెతన్యాహు మాట్లాడుతూ.. టెహ్రాన్ నాయకులకు “జీవిత బీమా” లేదన్నారు. ఇజ్రాయెల్, అమెరికా (America) దాడులు ఇరాన్ను గణనీయంగా బలహీనపరిచాయన్నారు. ఇజ్రాయెల్ నేడు బలంగా ఉందని పేర్కొన్నారు. ఇరాన్ కొత్త సుప్రీం లీడర్ ఖమేనీని ఆయన ఎగతాళి చేశారు. బహిరంగంగా తన ముఖాన్ని చూపించలేరన్నారు. టెహ్రాన్ అణ్వాయుధాలు, దీర్ఘ-శ్రేణి క్షిపణులను అభివృద్ధి చేయకుండా ఆపడానికి దాడులు అవసరమని నెతన్యాహు తెలిపారు.
Israel Iran Warning | అమెరికా నౌకపై దాడి
అమెరికా విమాన వాహక నౌక అబ్రహం లింకన్పై దాడి చేసినట్లు ఇరాన్ ప్రకటన చేసింది. బాలిస్టిక్ క్షిపణులతో దాడి చేసినట్లు వెల్లడించింది.
క్షిపణి దాడుల ధాటికి తట్టుకోలేక అమెరికా నౌక గల్ఫ్ జలాల నుంచి వెనక్కి తగ్గిందని ఇరాన్ పేర్కొంది. అయితే దానిని అమెరికా సెంట్రల్ కమాండ్ (United States Central Command) ఖండించింది. ఇరాన్ దుష్ప్రచారాలు చేస్తోందని ట్వీట్ చేసింది.
Israel Iran Warning | దుబాయ్పై..
దుబాయ్పై దాడులను ఇరాన్ ఉధృతం చేస్తోంది. ఫైనాన్షియల్ హబ్ సమీపంలో శుక్రవారం ఉదయం రెండు సార్లు భారీ పేలుడు శబ్దాలు వినిపించాయి. పేలుళ్ల తర్వాత ఆకాశంలో దట్టమైన నల్లటి పొగ కమ్ముకొని, పెద్ద ఎత్తున మంటలు వ్యాపించాయి. ఈ దాడుల్లో ఎవరికీ గాయాలు కాలేదని దుబాయ్ ప్రకటించింది.
ఇది కూడా చదవండి..: India Energy Security | భారత ఇంధన భద్రత, నౌకల రక్షణపై దృష్టి సారించిన కేంద్రం..
