అక్షర టుడే, బోధన్: Jadakoppulaata Festival | జడకొప్పులాట.. గ్రామీణ జానపద ఆటల్లో ఒకటిగా నిలుస్తుంది. ఆధ్యాత్మికం, సంప్రదాయం, సంస్కృతి, వినోదాల కలయిక జడకొప్పులాట. పాటలు, పాడుతూ.. సరదాగా ఆడుతూ.. తాళ్లను జడలా అల్లడం.. తిరిగి విడదీయడం ఈ ఆట ప్రత్యేకత.
Jadakoppulaata Festival | ఉగాది పర్వదినాన్ని పురస్కరించుకుని..
ఉగాది పర్వదినాన్ని పురస్కరించుకుని నిజామాబాద్ జిల్లా రెంజల్ మండలం దూపెల్లి గ్రామంలో గురువారం గ్రామస్థులు జడకొప్పులాట ఆడారు. ఈ సందర్భంగా నిజామాబాద్ పోలీస్ కమిషనర్ సాయి చైతన్య కార్యక్రమంలో పాల్గొని సందడి చేశారు. గ్రామస్థులతోపాటు సరదాగా జడకొప్పులాట ఆడారు.
కోలాట సైతం..
భక్త ఆంజనేయస్వామి మందిరంలో కోలాటం, జడకొప్పులాటను భక్తిశ్రద్ధలతో నిర్వహించడంపై గ్రామస్థులను పోలీస్ కమిషనర్ అభినందించినారు. కార్యక్రమంలో బోధన్ ఏసీపీ శ్రీనివాస్, రెంజల్ ఎస్ఐ చంద్రమోహన్, దూపల్లి సర్పంచి నర్సవ్వ సాయి రెడ్డి, మాజీ సర్పంచి భూమారెడ్డి, సొసైటీ మాజీ ఛైర్మన్, గ్రామ అభివృద్ధి కమిటీ సభ్యులు బాబన్న, లింగం, మహేష్, గ్రామ ప్రజలు పాల్గొన్నారు.
