Jeevan Reddy Resignation | అవమానాలు భరిస్తూ పార్టీలో ఉండలేను : జీవన్‌రెడ్డి

అక్షరటుడే, వెబ్​డెస్క్ : Jeevan Reddy Resignation | మాజీ మంత్రి, కాంగ్రెస్​ సీనియర్​ నాయకుడు జీవన్​రెడ్డి (Jeevan Reddy) పార్టీకి రాజీనామా చేస్తానని మరోసారి స్పష్టం చేశారు. కొన్ని రోజులుగా ఆయన పార్టీ వీడుతారని ప్రచారం జరుగుతోంది. ఆయన సైతం పార్టీ మారుతున్నట్లు ప్రకటించారు. ఈ క్రమంలో మంత్రులు శ్రీధర్​బాబు (Sridhar Babu), అడ్లూరి లక్ష్మణ్​కుమార్​ శనివారం జీవన్​రెడ్డితో చర్చించారు. పార్టీ మారొద్దని కోరారు.

మంత్రులు బుజ్జగించినా.. జీవన్​రెడ్డి తన నిర్ణయాన్ని మార్చుకోలేదు. ఈ మేరకు ఆదివారం ఆయన లేఖ విడుదల చేశారు. పార్టీని వీడడానికి గల కారణాలను అందులో పేర్కొన్నారు. అవమానాలు భరిస్తూ పార్టీలో కొనసాగలేనని తెలిపారు. ఈ నెల 25న కాంగ్రెస్‌ (Congress)కు రాజీనామా చేస్తున్నట్లు ప్రకటించారు. అదే రోజు భవిష్యత్ కార్యాచరణ ప్రకటిస్తానని వెల్లడించారు.

Jeevan Reddy Resignation | అనుచరులతో చర్చించి..

కాంగ్రెస్​లో 20 నెలలుగా జరుగుతున్న పరిణామాలను బట్టి పార్టీ మారుతున్నట్లు లేఖలో జీవన్​రెడ్డి తెలిపారు. అవమానాలకు గురి అవుతూ, మానసిక క్షోభతో పార్టీలో కొనసాగలేనన్నారు. ఈ నెల 25న జగిత్యాల (Jagtial) పట్టణంలోని ఉదయం 10 గంటలకు నాయకులు, అనుచరులతో సమావేశం నిర్వహిస్తున్నట్లు పేర్కొన్నారు. ఈ సమావేశంలో అనుచరులతో చర్చించి ఏ పార్టీలో చేరేది తెలుపనున్నారు. అయితే ఆయన బీఆర్​ఎస్​లో చేరుతారనే ప్రచారం జరుగుతోంది.

Jeevan Reddy Resignation | వందసార్లు చెప్పినట్లు…

రాజీనామాపై ప్రచారాలు, కాంగ్రెస్​ మంత్రుల బుజ్జగింపుల నేపథ్యంలో ఆయన ఇంటి ఎదుట పోస్టర్లు వెలిశాయి. ‘‘నేను ఒక్కసారి చెప్తే వందసార్లు చెప్పినట్లే” అని జీవన్​రెడ్డితో ఉన్న పోస్టర్లను ఆయన అనుచరులు అతికించారు. కాంగ్రెస్ పార్టీకి రాజీనామా చేయనున్నట్లు ప్రకటించిన కొద్దిసేపటికే పోస్టర్లు వెలవడం గమనార్హం. అందులో తెలంగాణ పొలిటికల్ సూపర్ స్టార్ జీవన్​రెడ్డి అని రాశారు.

దీనిని కూడా చదవండి : Rythu Bharosa Funds | అన్నదాతలకు గుడ్​న్యూస్​.. రైతు భరోసా నిధులు విడుదల చేసిన సీఎం రేవంత్‌రెడ్డి..