అక్షరటుడే, నిజామాబాద్ క్రైం: Judicial Eleven victory | సీపీ ఎలెవెన్ టీం వర్సెస్ జ్యూడీషియల్ ఎలెవన్ టీం (Judicial Eleven victory) జట్ల మధ్య జరిగిన ఫ్రెండ్లీ క్రికెట్ మ్యాచ్లో జ్యూడీషియల్ టీం ఘన విజయం సాధించింది. ఎడపల్లి పోలీస్ స్టేషన్ (Yedapalli Police Station) పరిధిలోని జాన్కంపేట్ వద్ద పోలీస్ శిక్షణ కేంద్రం (CTC)లోని పరేడ్ గ్రౌండ్లో (Police training center CTC) శనివారం పోలీస్ టీం, జ్యూడీషియల్ టీంల (Police judicial sports event) మధ్య ఫ్రెండ్లీ క్రికెట్ మ్యాచ్ నిర్వహించారు.
Judicial Eleven victory | టాస్ గెలిచిన పోలీస్ టీం..
మొదట టాస్ గెలిచిన పోలీస్ టీం బ్యాటింగ్ ఎంచుకుంది. నిర్ణీత 12 ఓవర్లలో పోలీస్ టీం 8 వికెట్లు కోల్పోయి 128 పరుగులు చేసింది. పోలీస్ టీంలో బ్యాటింగ్ చేసిన రిజర్వ్ ఇన్స్పెక్టర్ సతీష్ 59 పరుగులు చేసి నాటవుట్గా నిలిచారు. సెకండ్ బ్యాటింగ్కు దిగిన జ్యూడీషియల్ జట్టు నిర్ణీత 11.4 ఓవర్లలో 5వికెట్లు కోల్పోయి 129 పరుగులు చేసింది. ఉదయ్ కృష్ణ 3 ఓవర్లు వేసి ప్రతి ఓవర్లో ఒక వికెట్ చొప్పున మూడు వికెట్లు తీశారు. దీంతో జ్యూడీషియల్ జట్టు పోలీస్ జట్టుపై విజయం సాధించారు. ఈ సందర్భంగా జిల్లా జడ్జి భరత లక్ష్మి ముఖ్య అతిథిగా హాజరై విజేతలకు, రన్నరప్ టీంకు బహుమతులు ప్రదానం చేశారు.
Judicial Eleven victory | క్రీడలో ప్రతిఒక్కరి జీవితంలో ముఖ్యం..
అనంతరం జడ్జి మాట్లాడుతూ క్రీడలు మన జీవితంలో ఎంతో ముఖ్యమని న్యాయమూర్తి భరతలక్ష్మి (District judge Bharatha Lakshmi) అన్నారు. క్రీడలు శారీరక దృఢత్వంతో పాటు మానసిక ఉల్లాసాన్ని కూడా అందిస్తాయని చెప్పారు. పోలీస్ శాఖ, న్యాయ విభాగం సభ్యులు అనునిత్యం ఎంతో బిజీగా విధుల్లో ఉంటూ తమ సమయం కేటాయించి క్రీడల్లో పాల్గొనడం అభినందనీయమని పేర్కొన్నారు. భవిష్యత్తులో కూడా ఇలాంటి స్నేహపూర్వక మ్యాచ్లు మరిన్ని నిర్వహించాలని సూచించారు. కోర్టులో విధులు సక్రమంగా నిర్వహించే పోలీస్ సిబ్బందికి క్యాష్ రివార్డ్ జిల్లా జడ్జ్ చేతుల మీదుగా అందజేశారు. కార్యక్రమంలో నిజామాబాద్(nizamabad) పోలీస్ కమిషనర్ సాయి చైతన్య(cp Sai Chaitanya), ఏడీజేలు హరీషా, దుర్గాప్రసాద్, కుష్బూ, శ్రీనివాస్, హరీష్, అదనపు డీసీపీ (అడ్మిన్) జి.బస్వారెడ్డి, నిజామాబాద్ ఏసీపీ ప్రకాష్, బోధన్ ఏసీపీ శ్రీనివాస్, ఆర్మూర్ ఏసీపీ వెంకట్ రెడ్డి, సీఐలు, రిజర్వ్ ఇన్స్పెక్టర్లు, ఎస్సైలు, పబ్లిక్ ప్రాసిక్యూటర్లు రాజేశ్వర్, దయాకర్ గౌడ్, వసంత్ తదితరులు పాల్గొన్నారు.
ఇది కూడా చదవండి: Kamareddy SI Retirement | ఇద్దరు ఎస్సైల పదవీ విరమణ
