అక్షరటుడే, వెబ్డెస్క్: Kakbhushundi Time Travel | హిందూ పురాణాల్లో ఎన్నో ఆశ్చర్యకరమైన కథలు ఉన్నాయి. కానీ కాలం, విశ్వంలో సంచరించిన మహర్షి గురించి చాలా అరుదుగా వినిపిస్తుంది. అలాంటి విశేషమైన పాత్రే కాకభుశుండి. కాకి రూపంలో కనిపించే ఈ మహర్షి.. తనకు ఉన్న అసాధారణ శక్తులతో కాలాన్ని దాటి, అనేక విశ్వాల్లో సంచరించినట్లు పురాణాలు చెబుతున్నాయి.
Kakbhushundi Time Travel | శాపం –శక్తులు
పురాణాల ప్రకారం.. ఒక శాపం వల్ల కాకభుశుండి కాకి రూపాన్ని పొందుతాడు. అయితే, అదే సమయంలో పొందిన వరాలు అతడిని అసాధారణ స్థాయికి చేర్చుతాయి. కాల ప్రయాణం చేయగలగడం, అనంత విశ్వాల మధ్య సంచరించగలగడం వంటి శక్తులతో ఆయన సృష్టి రహస్యాలను ప్రత్యక్షంగా చూశాడని చెబుతుంటారు.
ప్రపంచ ప్రఖ్యాతిగాంచిన భారత ఇతిహాసం రామాయణం గురించి సైతం కాకభుశుండు ప్రత్యేకమైన అనుభవం కలిగి ఉన్నాడని ప్రచారంలో ఉంది. రామాయణాన్ని ఆయన ఒక్కసారి కాదు.. అనేకసార్లు వేర్వేరు విశ్వాల్లో, వేర్వేరు రూపాల్లో చూసినట్లు పురాణాల ద్వారా తెలుస్తోంది. ప్రతి రామాయణం ఒక ప్రత్యేక కథలా, భిన్నమైన ఘటనలతో నిండి ఉందని ఈ కథనం ద్వారా తెలుస్తోంది.
Kakbhushundi Time Travel | గరుత్మంతుడితో..
ఆయా విశ్వాల్లో జరిగిన రామాయణ ఘట్టాలను విష్ణువు వాహనమైన గరుడుడికి కాకభుశుండి చెప్పినప్పుడు ఆయన ఆశ్చర్యపోయారని కథనం. ఈ ఘటన ద్వారా.. సృష్టి ఎంత విస్తృతమో.. కథలు ఎంత విభిన్నంగా ఉంటాయో తెలుపుతోంది.
కాకభుశుండి గాథ మనకు ఒక ముఖ్యమైన సందేశాన్ని ఇస్తోంది. ప్రతి కథకు ఒకే ముగింపు ఉండాల్సిన అవసరం లేదని.. విశ్వం అనేది అనేక అవకాశాల సమాహారం అని.. మన జీవితం కూడా పెద్ద గ్రంథంలో ఒక అధ్యాయం మాత్రమే అని ఈ పురాణ గాథ మనకు గుర్తుచేస్తుంది.
— ఎన్.ఎల్. సహస్ర
ఇది కూడా చదవండి: Karna | కర్ణ మరణం నుంచి కష్టాల వరకు.. ‘సవాలక్ష’ అనే పదం ఎలా వచ్చిందంటే!
