అక్షరటుడే, కామారెడ్డి: Kamareddy municipal budget | కామారెడ్డి మున్సిపల్ బడ్జెట్ (Kamareddy Municipality) సమావేశం శనివారం మున్సిపల్ ఛైర్పర్సన్ ఇప్ప ఉమారాణి అధ్యక్షతన (council meeting) నిర్వహించారు. ఈ సమావేశంలో బడ్జెట్ ఆమోదానికి ముందు (budget approval) స్థానిక సమస్యలపై కౌన్సిలర్లు అధికారులపై ప్రశ్నల వర్షం కురిపించారు. వార్డు ఆఫీసర్ల నుంచి(Kamareddy news) మొదలుకుని కమిషనర్ వరకు అధికారులపై ఫైర్ అయ్యారు.
Kamareddy municipal budget | అధికారులు పూర్తిగా విఫలం..
సమస్యల పరిష్కారంలో అధికారులు విఫలమవుతున్నారని కౌన్సిలర్లు ఆరోపించారు. కౌన్సిలర్లు ఫోన్ చేస్తే అధికారుల నుంచి స్పందన కరువైందన్నారు. ఇలా అయితే వార్డుల్లో ప్రజలకు సమాధానం ఏం చెప్తామని నిలదీశారు. టౌన్ ప్లానింగ్ అధికారి గిరిధర్, కమిషనర్ రాజేందర్ రెడ్డిపై తీవ్రస్థాయిలో విరుచుకుపడ్డారు. తన ఫోన్కు కూడా కమిషనర్ స్పందించడం కావడం లేదని ఛైర్ పర్సన్ ఉమారాణి ఆరోపించారు. దాంతో టీపీవోను, కమిషనర్ను సరెండర్ చేయాలని కౌన్సిల్ ఏకగ్రీవంగా తీర్మానించింది. ఉదయం 11 గంటల నుంచి మధ్యాహ్నం 3:30 గంటల వరకు వివిధ సమస్యలపై వాడీవేడిగా చర్చించారు. ఆ తర్వాత బడ్జెట్ను(municipal budget) అధికారులు చదివి వినిపించగా కౌన్సిల్ సభ్యులు చేతులెత్తి ఏకగ్రీవంగా ఆమోదం తెలిపారు. అయితే ప్రతి ఏడాది బడ్జెట్ సమావేశాలు ఫంక్షన్ హాల్లో నిర్వహిస్తూ.. ఈ ఏడాది మున్సిపల్ కౌన్సిల్ హాల్లో నిర్వహించడంపై పలువురు కౌన్సిలర్లు అసహనం వ్యక్తం చేశారు.
Kamareddy municipal budget | మున్సిపల్ బడ్జెట్ రూ.70.86 కోట్లు
ప్రస్తుత 2026-27కుగాను.. వార్షిక బడ్జెట్ను అధికారులు రూపొందించారు. వివిధ మార్గాల ద్వారా (local governance) ఆదాయాన్ని రూ.70,86,77,000లుగా చూపించారు. అదేవిధంగా ఖర్చులు సైతం రూ.70,85,43,000గా తేల్చారు. గత సంవత్సర బడ్జెట్ అంచనా రూ.46,86,76000 ఉండగా ఖర్చు రూ.46,78,73,000 ఉంది. ఈ ఏడాది ఆదాయం మార్గాలను గణనీయంగా పెంచారు. పన్నుల ద్వారా రూ.20,74,28,000గా చూపించారు. పన్నేతర ద్వారా రూ.12,20,72,000 డిపాజిట్లు, అడ్వాన్స్, లోన్ల ద్వారా రూ.4.20 కోట్లు, క్యాపిటల్ ప్రాజెక్టు ఫండ్స్ (గ్రాంట్లు, స్కీములు) ద్వారా రూ.33 కోట్ల 71 లక్షల 77 వేల ఆదాయం వస్తున్నట్టుగా బడ్జెట్లో పేర్కొన్నారు.
Kamareddy municipal budget | జనరల్ ఫండ్ కింద వేతనాలు..
అలాగే వ్యయం వివరాలలో మున్సిపల్ జనరల్ ఫండ్ కింద వేతనాలు(urban development), శానిటేషన్ నిర్వహణ, విద్యుత్ ఛార్జీలు, 10 శాతం హరితహారం కోసం రూ.22,45,50,000 ఖర్చు అవుతుందని అంచనా వేశారు. ఇతర నిర్వహణ వ్యయం కింద ఇంజినీరింగ్, సాధారణ పరిపాలన విభాగం, టౌన్ ప్లానింగ్ విభాగం రూ.6.56 కోట్లుగా అంచనా వేశారు. సాధారణ వ్యయం కింద (Telangana politics) పెట్టుబడి వ్యయం 1/3 వ వంతు బడ్జెట్ వెనుకబడిన, మురికి వాడలు, విలీన గ్రామాలు, మౌలిక వసతుల ఖర్చులకు, ప్రజసౌకర్యాల కోసం, వార్డుల వారీగా పనుల వ్యయం మొత్తాన్ని(Telangana civic) రూ.3 కోట్ల 92 లక్షల 16 వేలుగా నిర్ధారించారు.
వీటి ఖర్చు కలిపి రూ.32,93,66,000 మొత్తాన్ని మున్సిపల్ జనరల్ ఫండ్స్ నుంచి ఖర్చు చేయనున్నారు. ఇక డిపాజిట్లు, అడ్వాన్సు, లోన్స్ కోసం రూ.4.20 కోట్లు, క్యాపిటల్ ప్రాజెక్టు ఫండ్స్ (గ్రాంట్లు, స్కీములు) వ్యయాన్ని రూ.33,71,77,000 వేలుగా చూపించారు. మొత్తం రూ.70,86,77,000 ఆదాయంలో రూ.70,85,43,000 ఉంటుందని బడ్జెట్లో ప్రతిపాదించారు. ఈ బడ్జెట్కు మున్సిపల్ కౌన్సిల్ ఆమోదం తెలిపింది. సమావేశంలో మున్సిపల్ వైస్ ఛైర్పర్సన్ కాసర్ల గోదావరి, జిల్లా అదనపు కలెక్టర్ మధు మోహన్, కామారెడ్డి ఆర్డీవో ఎన్వై గిరి, మున్సిపల్ కమిషనర్ రాజేందర్ రెడ్డి, కౌన్సిలర్లు పాల్గొన్నారు.
