అక్షరటుడే, కామారెడ్డి: Kamareddy Police Sports | తెలంగాణ రాష్ట్ర 4వ పోలీస్ స్పోర్ట్స్ మీట్లో కామారెడ్డి పోలీస్ (police sports competition) క్రీడాకారులు సత్తా చాటారు. ఈ మేరకు ఉత్తమ ప్రదర్శన కనబర్చిన క్రీడాకారులను ఎస్పీ రాజేష్ చంద్ర శుక్రవారం అభినందించారు. సైబరాబాద్ పోలీస్ కమిషనరేట్ (cyberabad police event) వేదికగా ఫిబ్రవరి 16 నుండి 21 వరకు నిర్వహించిన ‘తెలంగాణ రాష్ట్ర 4వ పోలీస్ స్పోర్ట్స్ మీట్’ నిర్వహించారు.
Kamareddy Police Sports | పదకొండు పతకాలు సాధించి..
పోలీస్ క్రీడాకారులు అద్భుత ప్రదర్శన కనబర్చి మొత్తం 11 పతకాలు సాధించారు. అందులో ఒక రజతం, 10 కాంస్యం పతకాలు ఉన్నాయి. జిల్లాకు గర్వకారణంగా నిలిచిన విజేతలను, (police athletes telangana) టీం ఇన్ఛార్జి రిజర్వ్ ఇన్స్పెక్టర్ సంతోష్ కుమార్ను జిల్లా పోలీస్ కార్యాలయంలో ఎస్పీ రాజేష్ చంద్ర (SP Rajesh Chandra) ప్రత్యేకంగా అభినందించి, వారికి పతకాలు అందజేశారు. అనంతరం ఎస్పీ మాట్లాడుతూ.. పోలీసు విధి నిర్వహణలో (telangana police sports meet) ఎదురయ్యే మానసిక ఒత్తిడిని అధిగమించడానికి క్రీడలు దివ్యౌషధంలా పనిచేస్తాయన్నారు. ఇవి శారీరక దృఢత్వంతో పాటు మానసిక ప్రశాంతతను, క్రమశిక్షణను పెంపొందిస్తాయని తెలిపారు.
Kamareddy Police Sports | గెలుపోటములు సహజం..
గెలుపు ఓటములు సహజమని, పతకాలు సాధించిన వారు జాతీయ స్థాయిలో రాణించేలా మరింత పట్టుదలతో కృషి చేయాలని ఎస్పీ అన్నారు. ఓటమి చెందిన వారు నిరాశ చెందకుండా తమ లోపాలను సరిదిద్దుకొని భవిష్యత్తులో విజయాలు సాధించాలని దిశా నిర్దేశం చేశారు. పోటీల ఫలితాల్లో భాగంగా టేబుల్ టెన్నిస్ (table tennis archery powerlifting) పురుషుల సింగిల్స్లో కానిస్టేబుల్ తిరుపతి రజత పతకం సాధించగా, ఆర్చరీలో సరిచంద్, పవర్ లిఫ్టింగ్ 66 కిలోల విభాగంలో జానకీరాం, రెజ్లింగ్ 92 కిలోల విభాగాల్లో బాలరాజ్, ఏఆర్ కానిస్టేబుల్ అంకోష్, 97 కిలోల విభాగంలో ఏఆర్ కానిస్టేబుల్ ప్రభు కాంస్య పతకాలు గెలుచుకున్నారు. మహిళా విభాగంలో 30 కిలోమీటర్ల సైక్లింగ్లో డబ్ల్యూపీసీ రజిత, కబడ్డీ పోటీల్లో (kabaddi cycling police) డబ్ల్యూహెచ్సీ బుజ్జి, డబ్ల్యూపీసీ సవితారాణి, డబ్ల్యూపీసీ రేఖ, డబ్ల్యూపీసీ ప్రియాంకల బృందం కాంస్య పతకాలతో జిల్లా కీర్తిని చాటారని ఎస్పీ తెలిపారు.
ఇది కూడా చదవండి: Kamareddy Industrial Corridor | కామారెడ్డిలో ఇండస్ట్రియల్ కారిడార్ ఏర్పాటు చేయాలి: కేంద్ర మంత్రికి ఎమ్మెల్యే కేవీఆర్ వినతి
