అక్షరటుడే, కామారెడ్డి: Kamareddy SI Retirement | కామారెడ్డిలో విధులు నిర్వర్తిస్తున్న ఇద్దరు ఎస్సైలు పదవీ విరమణ చేశారు. కలెక్టరేట్ ఎస్సై ఉదయ్ శేఖర్, కామారెడ్డి టౌన్ ఎస్సై శ్రీరామ్ రిటైర్మెంట్ సందర్భంగా వారిద్దరిని కుటుంబ సభ్యుల సమక్షంలో పోలీసు కార్యాలయంలో ఎస్పీ రాజేష్ చంద్ర (SP Rajesh Chandra) సన్మానించారు.
Kamareddy SI Retirement | పదవీ విరమణ అనంతరం..
ఈ సందర్భంగా ఎస్పీ మాట్లాడుతూ.. పదవీ విరమణ అనంతరం కుటుంబ సభ్యులతో ఆనందంగా ఆరోగ్యంగా గడపాలన్నారు. పోలీసు వ్యవస్థలో దశాబ్దాల పాటు నిస్వార్థ సేవలు అందించి పదవీ విరమణ పొందుతున్న అధికారుల సేవలు వెలకట్టలేనివని కొనియాడారు. కుటుంబాలకు దూరంగా ఉంటూ, ఎన్నో సవాళ్లను ఎదుర్కొని ప్రజల రక్షణ కోసం నిరంతరం శ్రమించడం గర్వకారణమన్నారు.
Kamareddy SI Retirement | 1989లో కానిస్టేబుళ్లుగా..
1989లో పోలీసు కానిస్టేబుళ్లుగా తమ వృత్తి జీవితాన్ని ప్రారంభించి, సుమారు 37 ఏళ్ల పాటు పోలీసు శాఖలో వివిధ హోదాల్లో అత్యుత్తమ సేవలు అందించారని తెలిపారు. పదవీ విరమణ అనంతరం తమ శేష జీవితాన్ని కుటుంబ సభ్యులతో కలిసి పూర్తి ఆరోగ్యంతో, సుఖసంతోషాలతో గడపాలని ఆకాంక్షించారు. కార్యక్రమంలో ఎస్బీ ఇన్స్పెక్టర్ మధుసూదన్, రిజర్వ్ ఇన్స్పెక్టర్లు సంతోష్, కృష్ణ, పోలీసు సిబ్బంది పాల్గొన్నారు.
ఇది కూడా చదవండి..: Manala Mohan Reddy | తండాల అభివృద్ధిలో భాగస్వాములు కావాలి : మానాల మోహన్రెడ్డి
