అక్షరటుడే, వెబ్డెస్క్: Kashi Ganga Jal | హిందూ సంప్రదాయంలో గంగానదికి ఉన్న పవిత్రత అపారం. పుణ్యక్షేత్రాలకు వెళ్ళినప్పుడు ఆ పవిత్ర జలాన్ని ఇంటికి తెచ్చుకోవడం మనకు అలవాటు. అయితే, కాశీ క్షేత్రం నుంచి గంగాజలాన్ని సేకరించి ఇంటికి తీసుకురావద్దని ఆధ్యాత్మిక వేత్తలు, పెద్దలు సూచిస్తుంటారు. దీని వెనుక ఉన్న ఆసక్తికరమైన కారణాలు, గంగాజలాన్ని ఎక్కడ సేకరించాలో ఇప్పుడు తెలుసుకుందాం.
Kashi Ganga Jal | కాశీని ‘మహాస్మశానం’ అని ఎందుకు అంటారు?
కాశీ నగరాన్ని కేవలం ఒక పుణ్యక్షేత్రంగానే కాకుండా “మహాస్మశానం”గా పరిగణిస్తారు. ఇక్కడ మరణం అనేది ఒక విషాదం కాదు, అది మోక్షానికి మార్గం. సృష్టి, స్థితి, లయలలో ‘లయం’ (అంతం) అనేది సనాతన సత్యం అని కాశీ క్షేత్రం మనకు గుర్తు చేస్తుంది.
ప్రళయ కాలంలో సైతం దైవీక కాంతితో ప్రకాశించే ఈ క్షేత్రం, జీవితం అంతిమ సత్యాన్ని బోధిస్తుంది. ఇటువంటి స్మశాన లక్షణం ఉన్న ప్రదేశం నుంచి జలాన్ని తెచ్చుకొని ఇంట్లో ఉంచుకోవడం అంత శ్రేయస్కరం కాదని పెద్దల నమ్మకం.
Kashi Ganga Jal | గంగాజలం సేకరించడానికి సరైన ప్రదేశం ఏది?
కాశీ యాత్రలో ప్రయాగ (అలహాబాద్) సందర్శన అత్యంత కీలకం. నిజానికి గంగాజలాన్ని సేకరించడానికి ప్రయాగ అత్యంత పవిత్రమైన, సరైన ప్రదేశం.
త్రివేణి సంగమం: ప్రయాగలో గంగ, యమున , అంతర్వాహినిగా సరస్వతి నదులు కలుస్తాయి. ఈ సంగమ ప్రాంతంలో గంగాజలం ఎంతో పవిత్రమైనదిగా భావిస్తారు.
ఉత్తరవాహిని: ప్రయాగ దాటిన తర్వాతే గంగానది తన దిశను మార్చుకుని ఉత్తరవాహినిగా కాశీ వైపు ప్రవహిస్తుంది. అంటే కాశీ అనే మహాస్మశానంలోకి ప్రవేశించక ముందే ఉన్న స్వచ్ఛమైన జలాన్ని సేకరించడం ఉత్తమం.
ప్రయాగ , హరిద్వార్ల విశిష్టత:
కాశీకి వెళ్ళినప్పుడు అక్కడ విక్రయించే గంగాజలం సీసాలపై మీరు గమనిస్తే, చాలా వరకు అవి ప్రయాగ నుంచి సేకరించినవిగానే ఉంటాయి. కాశీలో లభించినప్పటికీ, అవి ప్రయాగ నుంచి తెచ్చినవే అని నిర్ధారించుకుని భక్తులు కొనుగోలు చేస్తుంటారు. గంగా ప్రవాహానికి ఎగువన ఉన్న హరిద్వార్ లేదా రిషికేశ్ వంటి ఇతర పుణ్యక్షేత్రాల నుంచి కూడా గంగాజలాన్ని నిరభ్యంతరంగా తెచ్చుకోవచ్చు.
ఇది కూడా చదవండి: Sudarshana Chakra Story | సూర్య తేజస్సుతో పుట్టిన ఆయుధం.. సుదర్శన చక్రం వెనుక ఉన్న కథ ఏంటో తెలుసా?
