అక్షరటుడే, వెబ్డెస్క్: Kolkata Earthquake | కోల్కతాలో భూకంపం చోటు చేసుకుంది. శుక్రవారం మధ్యాహ్నం ఒక్కసారిగా భూమి కంపించడంతో ప్రజలు భయాందోళనకు గురయ్యారు. ఇళ్ల నుంచి బయటకు పరుగులు తీశారు.
కోల్కతా నగరంలోని పలు ప్రాంతాల్లో భూకంపం వచ్చింది. నేషనల్ సెంటర్ ఫర్ సీస్మోలజీ (NCS) ప్రకారం 5.5 తీవ్రతతో భూమి కంపించింది. నైరుతి బంగ్లాదేశ్లోని భూకంప కేంద్రం ఉన్నట్లు శాస్త్రవేత్తలు గుర్తించారు.
Kolkata Earthquake | 10 కి.మీ. లోతులో..
భూ ఉపరితలం నుంచి 10 కిలోమీటర్ల లోతులో ఉంది. దీంతో తక్కువ స్థాయిలో ప్రకంపనలు చోటు చేసుకున్నాయి. అయితే ఏం జరుగుతుందో తెలియక ప్రజలు ఇళ్ల నుంచి బయటకు పరుగులు తీశారు. కాగా భూకంపంతో తీర ప్రాంతంలో భయకరంగా అలలు వచ్చినట్లు స్థానికులు తెలిపార. భారత్– బంగ్లాదేశ్ సరిహద్దుకు సమీపంలోని పరిసర జిల్లాల్లో కూడా భూకంపం వచ్చింది. దీంతో ఇళ్లలో ఫ్యాన్లు, ఫర్నీచర్ కదిలాయి. ఇందుకు సంబంధించిన వీడియోలు సోషల్ మీడియాలో వైరల్గా మారాయి.
Kolkata Earthquake | బాటిల్ కింద పడింది
కోల్కతా (Kolkata)కు చెందిన ఓ మహిళ మాట్లాడుతూ.. తాము ఇంట్లో కూర్చున్నప్పుడు ఒక్కసారిగా ప్రకంపనలు చోటు చేసుకున్నట్లు చెప్పారు. టేబుల్పై ఉన్న బాటిల్ కింద పడిందన్నారు. దీంతో ఇంట్లో నుంచి బయటకు పరుగులు తీసినట్లు ఆమె పేర్కొన్నారు. కాగా ఈ ఘటనలో ఎలాంటి ప్రాణనష్టం, ఆస్తి నష్టం జరగలేదు.
ఇది కూడా చదవండి..: Jharkhand Air Ambulance Crash | కూలిపోయిన ఎయిర్ అంబులెన్స్.. ఏడుగురు మృతి
