అక్షరటుడే,కోటగిరి : Kotagiri Society Corruption | కోటగిరి గీత పారిశ్రామిక సహకార సంఘంలో అవినీతి చోటు చేసుకుందని టీసీఎస్ అధ్యక్షుడు శంకర్ గౌడ్ ఆరోపించారు. ఈ మేరకు ఎస్ ఫంక్షన్ హాల్లో కోటగిరి గీత పరిశ్రమ (Kotagiri Geetha Industries) సహకార సంఘం ఆధ్వర్యంలో సోమవారం విలేకరుల సమావేశం నిర్వహించారు.
Kotagiri Society Corruption | మేనేజ్మెంట్, క్యాషియర్పై..
ఈ సందర్భంగా శంకర్ గౌడ్ మాట్లాడుతూ.. అవినీతికి పాల్పడుతున్న మేనేజ్మెంట్, క్యాషియర్పై అధికారులు చట్టరీత్యా చర్య తీసుకోవాలని డిమాండ్ చేశారు. కోటగిరి సహకార సంఘం గ్రూప్ సొసైటీ రిజిస్ట్రేషన్ నం. 242 సొసైటీలో 60 కల్లుగీత కార్మికుల కుటుంబాలు ఉన్నాయన్నారు. గత రెండేళ్ల నుంచి మేనేజ్మెంట్ సభ్యులు జమా ఖర్చులు చూపకుండా ఇబ్బందులకు గురిచేస్తున్నారన్నారు. గత రెండేళ్ల నుంచి రూ.లక్షల్లో దోచుకుని దాచుకున్నారని ఆరోపించారు.
Kotagiri Society Corruption | షేర్ పార్టనర్లకు లెక్కలు చూపించకుండా..
షేర్ పార్టనర్లకు లెక్కలు చెప్పకుండా అడిగిన వారిపై దౌర్జన్యం చేస్తూ ఇటు గీత కార్మికుల అటు సొసైటీ సభ్యులకు విభజించి పాలిస్తున్నారని శంకర్ గౌడ్ ఆరోపించారు. చీమలన్నీ పుట్ట పెట్టుకుంటే అందులో విష నాగులు చేరినట్లుగా తండ్రీకొడుకులు కల్లు సొసైటీని చేతిలో తీసుకొని ఇష్టారాజ్యంగా పాలిస్తున్నారన్నారు. నష్టాలు, లాభాలు చూపించకుండా సొసైటీ సభ్యులకు డబ్బులు పంచకుండా రోజువారీగా వచ్చిన డబ్బులతో విలాసమైన జీవితాలు గడుపుతున్నారని ఆరోపించారు.
Kotagiri Society Corruption | చట్టరీత్యా చర్యలు తీసుకోవాలి
అవినీతికి పాల్పడుతున్న తండ్రీకొడుకులపై చట్టరీత్యా చర్య తీసుకోవాలని కోరుతూ నిజామాబాద్ జిల్లా (Nizamabad District) ఎక్సైజ్ సూపరింటెండెంట్కు లిఖితపూర్వంగా ఫిర్యాదు చేస్తామని శంకర్ గౌడ్ తెలిపారు. నేటి నుంచి కోటగిరి గీత పరిశ్రమ సహకార సంఘం గ్రూప్ సొసైటీ పాలకవర్గం ద్వారా కొనసాగుతుందన్నారు. కార్యక్రమంలో మాజీ అధ్యక్షుడు ఏ.విఠల్ గౌడ్, టీసీఎస్ ఉపాధ్యక్షులు అరుణ్కుమార్ గౌడ్, కార్యదర్శి ఎస్.సాయిబాబా గౌడ్, గౌడ సంఘం నాయకులు ఆర్.శ్యాం సుందర్ గౌడ్, ఆర్.రమేష్ గౌడ్, ఎం.నాగాగౌడ్, ఎస్.శ్రీనివాస్ గౌడ్ తదితరులు పాల్గొన్నారు.
ఇది కూడా చదవండి..: ASHA Workers Strike | ఆశవర్కర్ల సమ్మెకు బీఆర్ఎస్ సంపూర్ణ మద్దతు: మాజీ ఎమ్మెల్యే బిగాల
