అక్షరటుడే, వెబ్డెస్క్: Licensed Surveyors Wages | తమకు పని, వేతనాలు లేక ఇబ్బందులు పడుతున్నామని లైసెన్స్డ్ సర్వేయర్లు ఆవేదన వ్యక్తం చేశారు. ఈ మేరకు గురువారం వారు బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ (KTR)ను కలిశారు. తమ సమస్యలపై వినతిపత్రం అందించారు.
రాష్ట్ర ప్రభుత్వం 5 వేల మంది లైసెన్స్డ్ సర్వేయర్లను నియమించిన విషయం తెలిసిందే. సర్వేయర్ల కొరత అరికట్టడానికి పెద్ద మొత్తంలో వీరిని నియమించింది. భూ భారతి పోర్టల్ (Bhu Bharati Portal) కోసం లైసెన్స్డ్ సర్వేయర్ల నియామకం చేపట్టినట్లు ప్రభుత్వం తెలిపింది. వీరికి శిక్షణ సైతం పూర్తయింది. అయితే లైసెన్స్డ్ సర్వేయర్లకు వేతనాలు ఉండవని, సర్వే చేసిన ఎకరాల ఆధారంగా కమీషన్ ఇస్తామని ప్రభుత్వం చెప్పింది. ఈ క్రమంలో వారు ఆందోళన చెందుతున్నారు. తమకు వేతనాలు ఇవ్వాలని డిమాండ్ చేస్తున్నారు.
Licensed Surveyors Wages | కర్ణాటకలో వేతనాలు
నెలల తరబడి పని లేకుండా, జీతాలు లేకుండా తమను ప్రభుత్వం ఇబ్బందులకు గురి చేస్తుందని కేటీఆర్కు లైసెన్స్డ్ సర్వేయర్లు (Licensed Surveyors) తెలిపారు. కర్ణాటక ప్రభుత్వం ప్రతి నెల లైసెన్స్డ్ సర్వేయర్లకు జీతాలు ఇస్తుందని, తెలంగాణ (Telangana)లో మాత్రం ఇవ్వడంలేదని ఆవేదన వ్యక్తం చేశారు. ప్రభుత్వానికి అత్యంత కీలకమైన భూసర్వేలు నిర్వహించే తమకు జీతాలు లేక ఆర్థికంగా ఇబ్బంది పడుతున్నామని వాపోయారు.
Licensed Surveyors Wages | ఖాళీగా కూర్చోబెడుతున్నారు
తహశీల్దార్ ఆఫీసులకు పిలిచి తమను పొద్దున నుంచి సాయంత్రం వరకు ఖాళీగా కూర్చోబెడుతున్నారని సర్వేయర్లు ఆవేదన వ్యక్తం చేశారు. జీతం కూడా ఇవ్వడంలేదని, తమ సమస్యలు పరిష్కరించే విధంగా ప్రభుత్వంపై ఒత్తిడి తేవాలని కేటీఆర్ను కోరారు. వారి సమస్యలను ప్రభుత్వం దృష్టికి తీసుకెళ్లి, పరిష్కరించేందుకు ఒత్తిడి తెస్తామని కేటీఆర్ హామీ ఇచ్చారు.
ఇది కూడా చదవండి..: Telangana Rythu DISCOM | ఇక మూడో డిస్కం.. ‘తెలంగాణ రైతు పవర్ డిస్ట్రిబ్యూషన్ కంపెనీ లిమిటెడ్’కు ఆమోదం
