అక్షరటుడే, వెబ్డెస్క్: LPG Supply Review | రాష్ట్రంలో ఎల్పీజీ గ్యాస్ కొరత లేకుండా చర్యలు చేపట్టాలని ప్రభుత్వ ప్రధాన కార్యదర్శి రామకృష్ణారావు ఆదేశించారు. ఈ మేరకు ఆయన శుక్రవారం చమురు మార్కెటింగ్ (Oil Marketing) కంపెనీల ప్రతినిధులు, పౌర సరఫరాల శాఖ అధికారులతో సమీక్షించారు.
రాష్ట్రవ్యాప్తంగా LPG సరఫరా, నిల్వ స్థాయిలు, రవాణా వ్యవస్థలు, భవిష్యత్తు డిమాండ్పై సీఎస్ చర్చించారు. గృహ వినియోగదారులకు LPG సిలిండర్ల పంపిణీలో ఎటువంటి అంతరాయం లేకుండా చూసుకోవాలని ఆదేశించారు. రోజువారీ పర్యవేక్షణ నిర్వహించాలని, బ్లాక్ మార్కెటింగ్ (Black Marketing)ను నిరోధించాలని, పంపిణీదారులు, ఏజెన్సీల వద్ద పోలీసు నిఘా ఉంచాలన్నారు.
LPG Supply Review | 1.29 కోట్ల కనెక్షన్లు
రాష్ట్రంలో ప్రస్తుతం 1.29 కోట్ల గృహ LPG కనెక్షన్లు ఉన్నాయని, ప్రస్తుత డిమాండ్ను తీర్చడానికి తగినంత నిల్వలు అందుబాటులో ఉన్నాయని అధికారులు తెలిపారు. ఆసుపత్రులు, ప్రభుత్వ హాస్టళ్లకు అవసరమైన విధంగా LPG సిలిండర్లను సరఫరా చేస్తున్నట్లు పేర్కొన్నారు. దేశీయ వినియోగదారులకు LPG సరఫరా విషయంలో ఆందోళన చెందాల్సిన అవసరం లేదని చమురు కంపెనీల ప్రతినిధులు హామీ ఇచ్చారు.
LPG Supply Review | 810 కేంద్రాల్లో..
రాష్ట్రవ్యాప్తంగా 810 LPG పంపిణీ కేంద్రాలు ప్రస్తుతం సిలిండర్లను (Cylinders) సరఫరా చేస్తున్నాయని అధికారులు వెల్లడించారు. వినియోగదారులకు సకాలంలో డెలివరీని నిర్ధారించాలని సీఎస్ రామకృష్ణారావు చమురు మార్కెటింగ్ కంపెనీలను ఆదేశించారు. రాష్ట్ర పౌర సరఫరాల కమిషనర్ స్టీఫెన్ రవీంద్ర, సీనియర్ అధికారులు పాల్గొన్నారు.
ఇది కూడా చదవండి..: Harish Rao Letter | రాజ్యాంగ పరిరక్షణ అంటే ఇదేనా.. రాహుల్ గాంధీకి హరీశ్రావు లేఖ
