అక్షరటుడే, ఆర్మూర్ : Maize MSP Demand | ఎర్రజొన్న, మొక్కజొన్న పంటలను ప్రభుత్వమే కొనుగోలు చేయాలని అఖిలభారత ఐక్య రైతు సంఘం రాష్ట్ర అధ్యక్షుడు ప్రభాకర్, కార్యదర్శి దేవారం డిమాండ్ చేశారు. పట్టణంలో గురువారం ఏర్పాటు చేసిన విలేకరుల సమావేశంలో వారు మాట్లాడారు.
Maize MSP Demand | ఎంఎస్పీ చెల్లించకుండా వ్యాపారులు..
మొక్కజొన్నకు ఎంఎస్పీ చెల్లించకుండా వ్యాపారులు కృత్రిమంగా రూ.1,600 చొప్పున కొనుగోలు చేస్తున్నారని, అంతేకాకుండా ఆర్మూర్ (Armoor) ప్రాంతంలో వ్యాపారులు బైబ్యాక్ ఒప్పందాన్ని సైతం ఉల్లంఘిస్తూ ఎర్రజొన్నల ధరను క్వింటాల్కు రూ.800 నుంచి రూ.1000కు తగ్గించి కొనుగోలు చేస్తున్నారన్నారు. వ్యాపారులపై చర్య తీసుకుని ప్రభుత్వమే కొనుగోలు చేయాలని ఇప్పటికే తెలంగాణ రాష్ట్ర వ్యవసాయ శాఖ మంత్రికి, పీసీసీ అధ్యక్షుడు, ఎమ్మెల్సీ మహేష్ కుమార్ గౌడ్కు విజ్ఞాపన పత్రాలు సమర్పించామన్నారు.
Maize MSP Demand | ఎగుమతులు నిలిచిపోయాయని సాకులు చెబుతూ..
ఎర్రజొన్నల ఎగుమతులు నిలిచిపోయాయని వ్యాపారులు ఒకసాకు చూపించి క్వింటాలకు రూ.800 నుండి రూ.1,000 కృత్రిమంగా ధర తగ్గించారన్నారు. రైతులకు రూ.వేలల్లో నష్టం చేసేవిధంగా వ్యాపారుల చర్యలు ఉన్నాయని వీరిపై చర్య తీసుకోవాలని డిమాండ్ చేస్తున్నామన్నారు. గతంలో కేసీఆర్ సీఎంగా ఉన్న సందర్భంలో సైతం ఎర్రజొన్నను తామే కొనుగోలు చేస్తామని హామీ ఇచ్చి మోసం చేశారని గుర్తుచేశారు. ప్రస్తుతం మొక్కజొన్న, ఎర్రజొన్నను రూ.4వేల చొప్పున కొనుగోలు చేయాలని, డిమాండ్ చేశారు. మోడీ సర్కార్ (Modi Government) అధికారంలో రాకముందు స్వామినాథన్ కమిషన్ సిఫార్సులు అమలు చేసి రెండింతల ఆదాయం తెచ్చి పెడతానని కోతలు కోసిన మోదీ ఇప్పుడు కార్పొరేట్ భజన చేస్తున్నారని ఎంఎస్పీ అమలు చేయకుండా నీరుగారుస్తున్నారని ఎద్దేవా చేశారు.
Maize MSP Demand | వాణిజ్య ఒప్పందం రైతులకు వ్యతిరేకం..
వాణిజ్య ఒప్పందం (Trade Agreement) రైతు వ్యతిరేకంగా ఉందని దీని రద్దు చేయాలని స్వామినాథన్ కమిషన్ సిఫార్సులు అమలు చేయాలని ఈ సందర్భంగా నాయకులు డిమాండ్ చేశారు. కలెక్టర్ చొరవ తీసుకొని వ్యాపార, రైతు, రైతు సంఘాల ప్రతినిధులతో జాయింట్ మీటింగ్ ఏర్పాటు చేయాలని విజ్ఞప్తి చేశారు. ఈ విలేకరుల సమావేశంలో.. నిజామాబాద్ (Nizamabad) రూరల్ కామారెడ్డి సంయుక్త జిల్లా కార్యదర్శి బి కిషన్, ఆర్మూర్ డివిజన్ అధ్యక్షుడు ఆకుల గంగారాం, ఉపాధ్యక్షులు రాజన్న, లింబాద్రి తదితరులు పాల్గొన్నారు.
ఇది కూడా చదవండి..: Mohan Reddy Funeral | పాడే మోసిన షబ్బీర్ అలీ.. ముగిసిన మాజీ జడ్పీటీసీ అంత్యక్రియలు
