Mangalhat Cordon Search | కార్డన్​ సెర్చ్​లో సిలిండర్లు స్వాధీనం చేసుకున్న పోలీసులు

అక్షరటుడే, వెబ్​డెస్క్: Mangalhat Cordon Search | హైదరాబాద్​ నగరంలోని మంగళహాట్​లో పోలీసులు (Mangalhat Police) శనివారం తెల్లవారుజామున కార్డన్​ సెర్చ్​ నిర్వహించారు. ఈ సందర్భంగా అక్రమంగా నిల్వ ఉంచిన సిలిండర్లు స్వాధీనం చేసుకున్నారు.

నేరస్తులు, పత్రాలు లేని వాహనాలను పట్టుకోవడానికి పోలీసులు కార్డన్​ సెర్చ్​ (Cordon Search) నిర్వహిస్తుంటారు. సాధారణంగా ఇలాంటి సమయంలో పత్రాలు లేని వాహనాలను సీజ్​ చేస్తారు. అలాగే ప్రజలకు అవగాహన కల్పిస్తారు. పాత నేరస్తులకు కౌన్సెలింగ్​ ఇస్తారు. తాజాగా మంగళహాట్​లో మాత్రం పెద్ద ఎత్తున సిలిండర్లు స్వాధీనం చేసుకోవడం గమనార్హం.

Mangalhat Cordon Search | గ్యాస్​ కొరతతో..

పశ్చిమాసియాలో ఉద్రిక్తతతో గ్యాస్​ కొరత నెలకొంది. బుక్​ చేసిన చాలా రోజుల వరకు సిలిండర్లు రావడం లేదు. మరోవైపు కమర్షియల్​ సిలిండర్లు దొరకడం లేదు. దీంతో కొందరు సిలిండర్లను బ్లాక్​ మార్కెట్​ (Black Market)కు తరలించి అధిక ధరలకు విక్రయిస్తున్నారు. ఈ క్రమంలో డీసీపీ చంద్రమోహన్ (DCP Chandramohan) ఆధ్వర్యంలో 200 మంది పోలీసులు జుంగూరు బస్తి, దూల్‌పేట్ ప్రాంతాల్లో తనిఖీలు చేపట్టారు. ఈ సోదాల్లో అక్రమంగా నిల్వ ఉంచిన 111 గ్యాస్ సిలిండర్లు, 50 లీటర్ల మద్యం, పత్రాలు లేని 28 ద్విచక్ర వాహనాలను స్వాధీనం చేసుకున్నారు. చట్టవిరుద్ధ కార్యకలాపాలకు పాల్పడితే కఠిన చర్యలు తీసుకుంటామని హెచ్చరించారు.

ఇది కూడా చదవండి..: She Nethra Teams | మహిళల భద్రతకు చర్యలు.. షీ నేత్ర బృందాల ఏర్పాటు