అక్షరటుడే, న్యూఢిల్లీ: March 12 Pre Market Analysis | అమెరికా, ఇరాన్ల మధ్య యుద్ధం మరింత ముదురుతోంది. ఇరాన్ మైన్ లేయింగ్ నౌక(Iranian Mine-Laying Boats)లపై అమెరికా తీవ్ర దాడులు చేసింది. దీంతో ఇరాన్ ప్రతిగా రవాణా షిప్లను ధ్వంసం చేయడం, ఒమన్ పోర్టులో చమురు ట్యాంకర్లపైనా దాడి చేయడంతో పశ్చిమాసియాలో ఉద్రిక్తతలు మరింత పెరిగాయి.
క్రూడ్ ఆయిల్ ధరలు మళ్లీ బ్యారెల్కు వంద డాలర్లకు చేరువయ్యింది. దీంతో ఇన్వెస్టర్లు అప్రమత్తంగా వ్యవహరిస్తున్నారు. చైనా మినహా గ్లోబల్ మార్కెట్లన్నీ(Global markets) నష్టాలతో కొనసాగుతున్నాయి. మన మార్కెట్లు భారీ గ్యాప్ డౌన్ లో ప్రారంభమయ్యే అవకాశాలు ఉన్నాయి.
March 12 Pre Market Analysis | యూఎస్ మార్కెట్లు..
గత సెషన్లో నాస్డాక్(Nasdaq) 0.08 శాతం పెరగ్గా.. ఎస్ అండ్ పీ 0.08 శాతం నష్టంతో ముగిసింది. గురువారం ఉదయం డౌజోన్స్ ఫ్యూచర్స్ మాత్రం 0.97 శాతం నష్టంతో ఉంది.
March 12 Pre Market Analysis | యూరోప్ మార్కెట్లు..
జర్మనీకి చెందిన డీఏఎక్స్(DAX) 1.39 శాతం శాతం, ఫ్రాన్స్కు చెందిన సీఏసీ 0.19 శాతం, యూకేకు చెందిన ఎఫ్టీఎస్ఈ 0.56 శాతం లాభపడ్డాయి.
ఆసియా మార్కెట్లు..
ప్రధాన ఆసియా మార్కెట్లు ఎక్కువగా నష్టాలతో ట్రేడ్ అవుతున్నాయి. ఉదయం 8 గంటల ప్రాంతంలో చైనాకు చెందిన షాంఘై 0.11 శాతం లాభంతో ఉంది. జపాన్కు చెందిన నిక్కీ 1.60 శాతం, తైవాన్ స్టాక్ ఎక్స్ఛేంజ్ 1.02 శాతం, హాంగ్కాంగ్కు చెందిన హాంగ్సెంగ్ 0.81 శాతం, సౌత్ కొరియాకు చెందిన కోస్పీ 0.74 శాతం, సింగపూర్కు చెందిన స్ట్రెయిట్ టైమ్స్ 0.03 శాతం నష్టంతో ఉన్నాయి. గిఫ్ట్ నిఫ్టీ(Gift nifty) 0.75 శాతం నష్టంతో సాగుతోంది. ఈ నేపథ్యంలో మన మార్కెట్లు భారీ నష్టాలతో ప్రారంభం కానున్నాయి.
గమనించాల్సిన అంశాలు..
- ఎఫ్ఐఐ(FII)లు గత సెషన్లో నికరంగా రూ. 6,267 కోట్ల విలువైన స్టాక్స్ విక్రయించారు.
- డీఐఐలు నికరంగా రూ. 4,965 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 1.03 నుంచి 0.83 కి పడిపోయింది.
- విక్స్ 11.4 శాతం పెరిగి 21.06 కు చేరింది.
- డాలర్తో రూపాయి మారకం విలువ 22 పైసలు బలహీనపడి 92.04 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 98.59 వద్ద ఉంది.
- సెన్సెక్స్ డెరివేటివ్స్ వీక్లీ ఎక్స్పైరీ నేపథ్యంలో మార్కెట్లో ఒడుదుడుకులు ఉండే అవకాశాలున్నాయి.
