అక్షరటుడే, హైదరాబాద్: Meeseva Services Shutdown తెలంగాణ రాష్ట్రవ్యాప్తంగా మీ-సేవా కేంద్రాలను తాత్కాలికంగా నిలిపివేశారు. ఈ నేపథ్యంలో ప్రజలకు అసౌకర్యం కలగనుంది. అధికారుల ప్రకటన మేరకు.. మీ-సేవ కేంద్రాలు 36 గంటలపాటు పూర్తిగా మూసివేశారు. కొత్త సాఫ్ట్వేర్ అప్డేట్, సిస్టమ్ మెయింటెనెన్స్ పనుల దృష్ట్యా ఈ నిర్ణయం తీసుకున్నట్లు అధికారులు వెల్లడించారు.
Meeseva Services Shutdown | తాత్కాలికంగా
ఈ నేపథ్యంలో రాష్ట్రంలోని అన్ని మీ-సేవా కేంద్రాలతో పాటు సంబంధిత వెబ్సైట్ సేవలు సైతం తాత్కాలికంగా నిలిచిపోయాయి. ప్రభుత్వ సేవలకు సంబంధించిన సర్టిఫికెట్లు, అప్లికేషన్లు, బిల్లుల చెల్లింపులు వంటి సర్వీసులు ఈ సమయంలో అందుబాటులో ఉండవు.
అధికారులు తెలిపిన వివరాల ప్రకారం.. ఈ అప్గ్రేడ్ ద్వారా సర్వీసుల నాణ్యతను మెరుగుపరచడం, వేగాన్ని పెంచడం, ప్రజలకు మరింత సులభమైన అనుభవాన్ని అందించడం లక్ష్యంగా పెట్టుకున్నారు. ప్రస్తుతం వినియోగంలో ఉన్న సాఫ్ట్వేర్లో ఉన్న సమస్యలను పరిష్కరించడంతోపాటు.. మరింత భద్రతతో కూడిన వ్యవస్థను ప్రవేశపెట్టనున్నారు.
Meeseva Services Shutdown | ఆదివారం ఉదయం 8 గంటల తరువాత
మెయింటెనెన్స్ పనులు పూర్తి అయిన తర్వాత, ఆదివారం ఉదయం 8 గంటల నుంచి మీ-సేవా వెబ్సైట్, కేంద్రాలు తిరిగి సాధారణంగా పనిచేయనున్నాయని అధికారులు వెల్లడించారు.
ప్రజలు అత్యవసర సేవలు తప్ప మిగతా పనులను ముందుగానే పూర్తి చేసుకోవాలని అధికారులు సూచించారు. ఈ వ్యవధిలో కేంద్రాలకు వెళ్లకుండా సహకరించాలని విజ్ఞప్తి చేశారు.
ఇది కూడా చదవండి: PAN Card Rules | పాన్ కార్డ్ రూల్స్ మారాయ్.. ఇకపై ఆధార్ ఒక్కటే సరిపోదు..
