అక్షరటుడే, వెబ్డెస్క్: Middle East Oil Loss | మధ్యప్రాచ్యంలో ఇరాన్–ఇజ్రాయెల్–అమెరికా ఉద్రిక్తతలు ప్రపంచ ఆర్థిక వ్యవస్థపై తీవ్ర ప్రభావం చూపుతున్నాయి. ఇటీవల రిఫైనరీలు, ఆయిల్ ట్యాంకర్లు, సముద్ర మార్గాల్లో నౌకలపై జరిగిన దాడులతో భారీ స్థాయిలో చమురు నష్టం సంభవించినట్లు అంతర్జాతీయ విశ్లేషకులు అంచనా వేస్తున్నారు. ఈ పరిణామాలు ప్రపంచ ఎనర్జీ భద్రతపై ఆందోళనలను మరింతగా పెంచుతున్నాయి.
Middle East Oil Loss | భారీ మొత్తంలో చమురు ధ్వంసం..
పలు నివేదికల ప్రకారం.. గల్ఫ్ ప్రాంతంలో జరిగిన పలు దాడుల వల్ల పెద్ద మొత్తంలో బ్యారెళ్ల క్రూడ్ ఆయిల్ ధ్వంసమైనట్లు అంచనా. ముఖ్యంగా సముద్రంలో ప్రయాణిస్తున్న ఆయిల్ ట్యాంకర్లపై జరిగిన దాడులతో భారీ ఎత్తున చమురు సముద్రంలో కలిసిపోయింది. కొన్నిచోట్ల రిఫైనరీలపై దాడులతో నిల్వ ఆయిల్ కూడా కాలిపోయింది.
- ధ్వంసమైన క్రూడ్ ఆయిల్ (సుమారు) : 4 – 7 మిలియన్ బ్యారెళ్లు
- సముద్రంలో కలిసిపోయిన చమురు మొత్తం : రెండు మిలియన్ బ్యారెళ్లకు పైగా
- రిఫైనరీలలో అగ్నికి ఆహుతి అయిన నిల్వ : 2 మిలియన్ బ్యారెళ్లు
- ట్యాంకర్ పేలుళ్లలో కాలిపోయిన చమురు: 1 – 2 మిలియన్ బ్యారెళ్లు
Middle East Oil Loss | ఆర్థిక నష్టం..
ఇప్పటి వరకు జరిగిన దాడుల వల్ల బిలియన్ల డాలర్ల నష్టం సంభవించినట్లు నిపుణులు అంచనా వేస్తున్నారు. ఒక పెద్ద ఆయిల్ ట్యాంకర్ లో దాదాపు 2 మిలియన్ బ్యారెళ్ల వరకు చమురు ఉండే అవకాశం ఉంటుంది. ఇలాంటి పలు కలిపి ధ్వంసం అయిన ఘటనలు చూస్తే, జరిగిన నష్టం ప్రపంచ మార్కెట్లను కుదిపేసే స్థాయిలో ఉంది. రవాణా, ఇన్సూరెన్స్, నిల్వ ఖర్చులు సైతం పెరగడంతో ఆయిల్ ధరలు ఆకాశాన్ని తాకుతున్నాయి.
- ఒక్క బ్యారెల్ సగటు ధర: $90
- ఈ లెక్కన చమురు నష్టం విలువ: $ 320 – 630 మిలియన్ (₹2,600 – 5,200 కోట్లు)
- ట్యాంకర్లు, రిఫైనరీలు, ఇన్ఫ్రాస్ట్రక్చర్ నష్టం: $ 1.5 – 3 బిలియన్
- మొత్తం నష్టం (అంచనా ): $ 2 – 3.5 బిలియన్ (₹ 16,000 – 29,000 కోట్లు)
Middle East Oil Loss | కాలిపోయిన ఆయిల్తో..
1 బ్యారెల్ లో 159 లీటర్ల ఇంధనం ఉంటుంది. ఈ లెక్కన యుద్ధంలో ధ్వంసం అయిన 5 మిలియన్ బ్యారెళ్లు అంటే.. 795 మిలియన్ లీటర్లు కాలిపోయింది. దీనిని 10 లక్షల కార్లకు 6–8 నెలల పాటు ఇంధనం అందించవచ్చు. లేదా ఒక చిన్న దేశానికి 2–3 వారాల పాటు ఇంధన అవసరం తీర్చవచ్చు. లేదంటే.. లక్షల ఇళ్లకు కొన్ని వారాలు సరిపడే విద్యుత్తును అందించవచ్చు.
ఎల్పీజీ నష్టం
- గ్యాస్ / ఎల్పీజీ ఉత్పత్తి అంతరాయం: 5% – 8% సరఫరా తగ్గుదల.
- LNG టర్మినల్స్ ప్రభావం: 1–2 ప్రధాన కేంద్రాలు తాత్కాలికంగా నిలిచినట్లు నివేదికలను చూస్తే తెలుస్తోంది.
సముద్ర రవాణా ప్రభావం
ప్రపంచ చమురు సరఫరాలో హోర్ముజ్ జలసంధి ద్వారానే 20% జరుగుతోంది. దాడుల నేపథ్యంలో షిప్పింగ్ ఇన్సూరెన్స్ 30% – 50% పెరిగింది. దీనికితోడు కొన్ని నౌకల మార్గం మార్చడం వల్ల సరఫరా మరింత ఆలస్యం అవుతోంది.
ఇది కూడా చదవండి..: Rupee Falls Against Dollar | మరింత పడిపోయిన రూపాయి విలువ
