అక్షరటుడే, ఇందూరు: Minor Child Labour | జిల్లా కేంద్రంలోని నాగారంలో ప్రభుత్వ గిరిజన సంక్షేమ మహిళా డిగ్రీ కళాశాలను కలెక్టర్ ఇలా త్రిపాఠి (Collector Ila Tripathi) గురువారం ఆకస్మికంగా తనిఖీ చేశారు. కిచెన్ డైనింగ్ హాల్లో సందర్శించి నిర్వహణ తీరుతెన్నులను నిశితంగా పరిశీలించారు. మధ్యాహ్న భోజనం ఆహార పదార్థాల నాణ్యతను తనిఖీ చేశారు. కిచెన్ శుభ్రంగా ఉంచాలని లేనిపక్షంలో వ్యాధులు ప్రబలే ఆస్కారం ఉంటుందన్నారు.
Minor Child Labour | కిచెన్లో మైనర్ బాలిక పనులు..
కళాశాలలోని హాస్టల్లో కిచెన్లో మైనర్ బాలిక పనులు చేస్తుండడానికి గమనించిన కలెక్టర్ ఆమె గురించి ఆరా తీశారు. తన పెద్దమ్మతో కలిసి గత కొన్ని రోజులుగా కిచెన్లో వంట పనుల్లో సహాయం చేస్తున్నానని సదరు బాలిక కలెక్టర్కు తెలిపారు. దీంతో కళాశాల నిర్వాహకులపై కలెక్టర్ తీవ్రఆగ్రహం వ్యక్తం చేశారు. చదువుకునే వయస్సు కలిగిన మైనర్ బాలికతో ప్రభుత్వ విద్యా సంస్థలో ఎలా పనులు చేయిస్తున్నారని నిలదీశారు. తీవ్రంగా పరిగణించిన కలెక్టర్ కళాశాల ప్రిన్సిపల్కు షోకాజ్ నోటీసులు (Show Cause Notices) జారీ చేయాలని సంబంధిత అధికారులను ఆదేశించారు. బాలికను సమీపంలోని పాఠశాలలో చేర్పించి ఉచిత విద్యా, వసతి అమలయ్యేలా చూడాలని సీడీపీవో, ఎంఈవోలను ఆదేశించారు. అనంతరం కలెక్టర్ డిగ్రీ విద్యార్థినులకు ఆయా అంశాలపై బోధించారు. ఎటువంటి ఇబ్బందులు వచ్చినా చదువుని అర్ధాంతరంగా ఆపకూడదని సూచిచారు.
ఇది కూడా చదవండి..: Car Accident | కాలువలోకి దూసుకెళ్లిన కారు.. యువకుడి దుర్మరణం
