అక్షరటుడే, వెబ్డెస్క్ : Modi Iran Call | పశ్చిమాసియాలో ఉద్రిక్తతల వేళ ప్రధాన మంత్రి నరేంద్ర మోదీ (PM Modi) శనివారం ఇరాన్ అధ్యక్షుడు (Iran President) మసూద్ పెజెష్కియన్తో ఫోన్లో మాట్లాడారు. ఈద్, నౌరూజ్ శుభాకాంక్షలు తెలిపారు. పండుగ కాలం పశ్చిమ ఆసియాకు శాంతి, స్థిరత్వం, శ్రేయస్సును తీసుకువస్తుందని ఆశాభావం వ్యక్తం చేశారు.
ప్రధానమంత్రి మోదీ ఈ ప్రాంతంలోని కీలక మౌలిక సదుపాయాలపై జరుగుతున్న దాడులను ఖండించారు. ఈ దాడులు ప్రాంతీయ స్థిరత్వానికి ముప్పు కలిగిస్తాయని ఆందోళన వ్యక్తం చేశారు. ప్రపంచ సరఫరా గొలుసులకు అంతరాయం కలిగిస్తున్నాయని పేర్కొన్నారు. నౌకాయాన స్వేచ్ఛను పరిరక్షించడం, షిప్పింగ్ మార్గాలు తెరిచి సురక్షితంగా ఉండేలా చూడటం ప్రాముఖ్యతను తెలిపారు.
Modi Iran Call | రెండో సారి..
భారత పౌరుల భద్రతకు ఇరాన్ అందిస్తున్న నిరంతర మద్దతును ప్రధాని ప్రశంసించారు. ఫిబ్రవరి 28న ప్రస్తుత సంఘర్షణ ప్రారంభమైనప్పటి నుంచి ప్రధానమంత్రి మోదీ, ఇరాన్ అధ్యక్షుడి మధ్య జరిగిన రెండవ టెలిఫోన్ సంభాషణ ఇది. మార్చి 12న పెజెష్కియాన్ ఇరాన్లోని ప్రస్తుత పరిస్థితిపై ప్రధానమంత్రి మోదీకి వివరించారు. యుద్ధం ప్రారంభమైన నాటి నుంచి ప్రధాని మోదీ పలువురు ప్రపంచ నాయకులతో మాట్లాడారు. వీరిలో సౌదీ అరేబియా, యూఏఈ, ఖతార్, బహ్రెయిన్, కువైట్, జోర్డాన్, ఫ్రాన్స్, మలేషియా నేతలు ఉన్నారు.
Modi Iran Call | నౌకలు వచ్చేనా..
హార్ముజ్ జలసంధిని ఇరాన్ మూసి వేసిన విషయం తెలిసిందే. దీంతో అనేక భారత నౌకలు చిక్కుకుపోయాయి. ఇటీవల పలు భారతీయ నౌకలకు ఇరాన్ అనుమతిచ్చింది. దీంతో ఎల్పీజీ లోడ్తో ఉన్న నౌకలు భారత్ చేరుకున్నాయి. మిగతా నౌకలు కూడా భారత్ వచ్చేలా కేంద్రం చర్యలు చేపడుతోంది. ఈ క్రమంలో ప్రధాని మోదీ ఇరాన్ అధ్యక్షుడితో మాట్లాడటం గమనార్హం. మరోవైపు ఇరాన్ నుంచి చమురు కొనుగోలు ఆసియా దేశాలకు అమెరికా అనుమతిచ్చింది. గతంలో ఉన్న ఆంక్షలను తొలగించింది. ఈ క్రమంలో ప్రధాని మోదీ ఇరాన్ అధ్యక్షుడితో మాట్లాడటం ప్రాధాన్యత సంతరించుకుంది.
Spoke with President Dr. Masoud Pezeshkian and conveyed Eid and Nowruz greetings. We expressed hope that this festive season brings peace, stability and prosperity to West Asia.
Condemned attacks on critical infrastructure in the region, which threaten regional stability and…
— Narendra Modi (@narendramodi) March 21, 2026
దీనిని కూడా చదవండి : Hormuz Indian Death | హార్ముజ్ జలసంధి సమీపంలో భారతీయుడి మృతి
