అక్షరటుడే, వెబ్డెస్క్ : Motorola Edge 70 Fusion | ప్రముఖ స్మార్ట్ ఫోన్ (Smart Phone) తయారీ సంస్థ అయిన మోటోరోలా భారత మార్కెట్లో మరో మోడల్ను లాంచ్ చేయడానికి రెడీ అయ్యింది. ఎడ్జ్ 70 ఫ్యూజన్ పేరుతో నూతన మోడల్ను ఈనెల 6న విడుదల చేయనుంది.
ఇది స్నాప్డ్రాగన్ 7ఎస్ జెన్ 4 ప్రాసెసర్తో పాటు ఆండ్రాయిడ్ 16 ఆపరేటింగ్ సిస్టం ఆధారంగా పనిచేయనుంది. ఫ్లిప్కార్ట్లో అందుబాటులో ఉండనుంది. ఆన్లైన్ ప్లాట్ఫాంలలో అందుబాటులో ఉన్న వివరాల ప్రకారం స్పెసిఫికేషన్స్ ఇలా ఉండే అవకాశాలున్నాయి.
6.8 ఇంచ్ 1.5కే అమోలెడ్ డిస్ప్లేతో తీసుకువస్తున్న ఈ ఫోన్.. 144 హెడ్జ్ రిఫ్రెష్ రేట్, 1220 * 2712 పిక్సల్స్ రిజల్యూషన్ కలిగి ఉంది. హెచ్డీఆర్ 10 ప్లస్ సపోర్ట్ చేస్తుంది.
కార్నింగ్ గొరిల్లా గ్లాస్ 7ఐ ప్రొటెక్షన్, ఐపీ68/ఐపీ69 వాటర్ అండ్ డస్ట్ రెసిస్టన్స్ సర్టిఫికెట్ కలిగి ఉంది. 5200 నిట్స్ పీక్ బ్రైట్నెస్ను అందిస్తుంది.
Motorola Edge 70 Fusion | యూఎక్స్ ఆపరేటింగ్ సిస్టం
స్నాప్డ్రాగన్ 7ఎస్ జెన్ 4 ప్రాసెసర్ అమర్చారు. ఇది ఆండ్రాయిడ్ 16 ఆధారిత మోటో హలో యూఎక్స్ ఆపరేటింగ్ సిస్టంతో పనిచేస్తుంది. మూడేళ్ల పాటు ఓఎస్, ఐదేళ్లపాటు సెక్యూరిటీ అప్డేట్స్ అందించనున్నట్లు కంపెనీ తెలిపింది.
Motorola Edge 70 Fusion | 32 మెగా పిక్సెల్ ఫ్రంట్ కెమెరా
వెనకవైపు 50 మెగా పిక్సెల్ సోనీ ఎల్వైటీ 710 మెయిన్ కెమెరాతో పాటు 13 మెగా పిక్సెల్ అల్ట్రా వైడ్ కెమెరా, 5 మెగా పిక్సెల్ డెప్త్ సెన్సార్తో కూడిన ట్రిపుల్ కెమెరా సెట్ అప్ ఉంది.ఇది 4కే వీడియో రికార్డింగ్కు అనుకూలం. సెల్ఫీలు, వీడియో కాల్స్ కోసం ముందువైపు 32 మెగా పిక్సెల్ ఫ్రంట్ కెమెరా ఇచ్చారు. 50 మెగా పిక్సెల్ సోనీ ఎల్వైటీ 710 మెయిన్ కెమెరాతో వచ్చిన ప్రపంచంలోనే మొదటి ఫోన్ ఇదని కంపెనీ పేర్కొంది.
7000 ఎంఏహెచ్ బ్యాటరీ ఇచ్చారు. ఇది 68 వాట్ టర్బో చార్జింగ్ను సపోర్ట్ చేస్తుంది.
బ్లూ సర్ఫ్, కంట్రీ ఎయిర్, సిల్హౌట్ కలర్స్లో 12 జీబీ ర్యామ్, 128 జీబీ ఇంటర్నల్ స్టోరేజ్, 12 జీబీ ర్యామ్, 256 జీబీ ఇంటర్నల్ స్టోరేజ్ వేరియంట్స్లో అందుబాటులో ఉంటుంది.
బేస్ వేరియంట్ అయిన 12 జీబీ ర్యామ్, 128 జీబీ ఇంటర్నల్ స్టోరేజ్ సామర్థ్యం గల మోడల్ ధర సుమారు రూ. 30వేలు ఉండే అవకాశాలున్నాయి.
ఫ్లిప్కార్ట్ యాక్సిస్ బ్యాంక్, ఫ్లిప్కార్ట్ ఎస్బీఐ క్రెడిట్ కార్డులతో 5 శాతం వరకు క్యాష్ బ్యాక్ లభించనుంది.
ఇది కూడా చదవండి..: Realme Narzo Power 5G | ఇది రియల్మీ ‘పవర్’!.. భారీ బ్యాటరీతో లాంచింగ్కు సిద్ధం
