అక్షరటుడే, వెబ్డెస్క్ : Movie Ticket Prices | తెలంగాణలో మూవీ టికెట్ ధరల పెంపుపై సుప్రీంకోర్టు (Supreme Court) కీలక ఆదేశాలు జారీ చేసింది. గతంలో హైకోర్టు (High Court)ఇచ్చిన ఉత్తర్వులపై స్టే విధించింది. దీంతో కొత్త సినిమాలకు ఊరట లభించింది.
సినిమా టికెట్ ధరల పెంపుపై గతంలో తెలంగాణ హైకోర్టు ఇచ్చిన మధ్యంతర ఉత్తర్వులను సుప్రీంకోర్టు శుక్రవారం నిలిపి వేసింది. టికెట్ రేట్లు పెంచాలంటే సినిమా విడుదలకు 90 రోజుల ముందే ప్రభుత్వం జీవో జారీ చేయాలని గతంలో హైకోర్టు ఆదేశించింది. దీనిపై మైత్రీ మూవీ మేకర్స్ సుప్రీంకోర్టును ఆశ్రయించింది. జస్టిస్ మహేశ్వరి, జస్టిస్ ఏఎస్ చంద్రశేఖర్లతో కూడిన ధర్మాసనం హైకోర్టు ఉత్తర్వులపై స్టే విధించింది. టికెట్ ధరల పెంపుపై గతంలో అనుసరిస్తున్న విధానాలు పాటించాలని సూచించింది.
Movie Ticket Prices | వివాదం ఏమిటంటే?
తెలంగాణలో సినిమా టికెట్ రేట్ల పెంపుపై గతంలో పలుమార్లు హైకోర్టు ఆగ్రహం వ్యక్తం చేసింది. సంక్రాంతికి విడుదలైన రాజాసాబ్ (The Raja Saab) మూవీకి ధరలు పెంచుకోవడానికి అర్ధరాత్రి ప్రభుత్వం అనుమతి ఇవ్వగా.. హైకోర్టు ఆ జీవోను కొట్టివేసింది. అయినా కూడా ప్రభుత్వం మెగాస్టార్ చిరంజీవి నటించిన మన శంకర వర ప్రసాద్ గారు సినిమా రేట్లు పెంచుకోవడానికి ఓకే చెప్పింది. దీనిపై ఓ న్యాయవాది హైకోర్టులో పిటిషన్ వేశారు.
Movie Ticket Prices | ప్రభుత్వంపై ఆగ్రహం
రాష్ట్రంలో సినిమా టికెట్ ధరల పెంచబోమని గతంలో పలుమార్లు సినిమాటోగ్రఫి మంత్రి కోమటిరెడ్డి వెంకట్రెడ్డి తెలిపారు. ధరలు పెంచమని తమను ఎవరు కలువొద్దన్నారు. అయినా కూడా బెనిఫిట్ షోలు, టికెట్ ధరల పెంపునకు ప్రభుత్వం ఆమోదం తెలిపింది. ఈ నేపథ్యంలో అడ్వకేట్ విజయ్ గోపాల్ హైకోర్టులో హోంశాఖ అధికారులు గత ఆదేశాలను ఉల్లంఘిస్తున్నారని వాదించారు. మన శంకర వరప్రసాద్ సినిమా టికెట్ల రేట్లు పెంచిన విషయాన్ని కోర్టు దృష్టికి తీసుకురాకుండా దాచి పెట్టారని పేర్కొన్నారు. దీంతో హైకోర్టు ప్రభుత్వ తీరుపై ఆగ్రహం వ్యక్తం చేసింది. ఏ సినిమాకైనా టికెట్ ధరల పెంపు నిర్ణయం తీసుకునే 90 రోజుల ముందే ప్రకటించాలని ఆదేశించింది.
Movie Ticket Prices | నిర్మాతలకు గుడ్న్యూస్
హైకోర్టు ఉత్తర్వులపై సుప్రీంకోర్టు స్టే ఇవ్వడంతో నిర్మాతలకు ఊరట లభించింది. ఇక నుంచి కొత్తగా విడుదల అయ్యే సినిమాలకు టికెట్ ధరలు, బెనిఫిట్ షోలకు అనుమతి లభించనుంది. దీంతో నిర్మాతలు హర్షం వ్యక్తం చేస్తున్నారు. అయితే టికెట్ ధరల పెంపు సరికాదని సినీ అభిమానులు ఆవేదన వ్యక్తం చేస్తున్నారు.
ఇది కూడా చదవండి : Hansika Motwani Divorce | విడాకులు తీసుకున్న నటి హన్సిక
