National Science Day celebration | విద్యార్థులు సృజనాత్మకత, శాస్త్రీయ దృక్పథాన్ని పెంపొందించుకోవాలి: కాంగ్రెస్ నేత రామర్తి గోపి

అక్షరటుడే, ఇందూరు: National Science Day celebration | విద్యార్థులు సృజనాత్మకత, శాస్త్రీయ దృక్పథాన్ని పెంపొందించుకోవాలని కాంగ్రెస్ పార్టీ నాయకులు రామర్తి గోపి అన్నారు. జాతీయ సైన్స్ దినోత్సవం(National Science Day celebration) సందర్భంగా స్థానిక శంకర్​భవన్ ప్రభుత్వ పాఠశాలలో హెచ్​ఎం సాయన్న సహకారంతో విద్యార్థులకు సైన్స్ ప్రాముఖ్యతపై (Scientific temper awareness) వ్యాసరచన పోటీలు నిర్వహించారు. పోటీల్లో పాల్గొన్న 42మంది విద్యార్థులకు డిక్షనరీలు బహుమతిగా అందజేశారు.

National Science Day celebration | జాతీయ సైన్స్​ దినోత్సవం..

ఈ సందర్భంగా రామర్తి గోపి మాట్లాడుతూ సీవీ రామన్‌గా పేరుగాంచిన ప్రముఖ భౌతికశాస్త్ర పరిశోధకుడు చంద్రశేఖర్ వెంకటరామన్ 1928 ఫిబ్రవరి 28వ తేదీన రామన్ ఎఫెక్ట్‌ కనుగొనడంతో (CV Raman discover) ఆ రోజును జాతీయ సైన్స్ దినోత్సవంగా జరుపుకుంటామన్నారు. అంతరిక్ష పరిశోధనలు చూడాలన్నా.. వ్యవసాయంలో యాంత్రికరణ సంతరించుకోవాలన్నా, వైద్య ఆరోగ్య రంగం ఆయుష్షు పెంచుకోవాలన్నా, శాస్త్ర సాంకేతిక వైజ్ఞానిక పరిశోధనలే (Science education India) మూలమని ఆయన పేర్కొన్నారు. నేటి ఆధునిక ప్రపంచంలో వైజ్ఞానిక శాస్త్ర సాంకేతిక విజ్ఞానానికి అపారమైన అవకాశాలు ఉన్నాయని వాటన్నింటిని విద్యార్థులు అందిపుచ్చుకొని జీవితంలో ఉన్నత శిఖరాలు అధిరోహించాలన్నారు.

National Science Day celebration |విద్యార్థులు ఇప్పటినుంచే..

విద్యార్థులు ఇప్పటినుండే వారిలో ఉన్న శాస్త్ర సాంకేతిక నైపుణ్యాలను సృజనాత్మకతను వెలికి తీయాలని రామర్తి గోపి అన్నారు. విద్యార్థులలోని శాస్త్ర సాంకేతిక, వైజ్ఞానిక అంశాలపై ఉన్న అభిరుచిని ఉపాధ్యాయులు గుర్తించి వారిని ప్రోత్సహించాలని ఉపాధ్యాయులను కోరారు. పాఠశాలలో ప్రతిభ కలిగిన ఉపాధ్యాయులు ఉన్నారని వారి సహకారంతో ఎక్కడా ఆత్మస్థైర్యం కోల్పోకుండా ఆత్మవిశ్వాసంతో ముందడుగు వేసి తాము అనుకున్న లక్ష్యాలను సాధించాలని ఆయన తెలిపారు.

శాస్త్ర సాంకేతిక వైజ్ఞానిక రంగంలో దేశాన్ని అత్యున్నత స్థానంలో నిలపడానికి విద్యార్థులుగా ఇప్పటినుండే సంసిద్ధులుగా ఉండాలని ఆయన విద్యార్థులకు సూచించారు. ఈ కార్యక్రమంలో కాంగ్రెస్ పార్టీ నాయకులు సకినాల శివప్రసాద్, ప్రమోద్, జగడం సుమన్, బాల్ రెడ్డి, కిషోర్, నందకిషోర్, రంజిత్, గురిజాల హరీష్, ఎన్​ఎస్​యూఐ కౌశిక్, నవీన్ తదితరులు పాల్గొన్నారు.

ఇది కూడా చదవండి: HPV Vaccination Drive | ఆడబిడ్డల ఆరోగ్యాన్ని కాపాడేందుకు హెచ్​పీవీ వ్యాక్సినేషన్​ : మంత్రి రాజనర్సింహ