అక్షరటుడే, కామారెడ్డి: NDRF Mock Drill | వరదలు, అకాల వర్షాలతో వచ్చే విపత్తుల సమయంలో తీసుకునే సహాయక చర్యలపై ఎన్డీఆర్ఎఫ్ బృందాలు బుధవారం కామారెడ్డి (Kamareddy) పెద్ద చెరువులో మాక్ డ్రిల్ చేపట్టాయి. ఈ కార్యక్రమాన్ని కలెక్టర్ ఆశిష్ సంగ్వాన్ స్వయంగా పరిశీలించారు.
NDRF Mock Drill | వరద పరిస్థితుల్లో..
ఈ సందర్భంగా వరద పరిస్థితుల్లో రక్షణ చర్యలు, శాఖల మధ్య సమన్వయం, స్పందన సామర్థ్యాన్ని మెరుగుపర్చడమే లక్ష్యంగా మాక్ డ్రిల్ నిర్వహించినట్లు కలెక్టర్ తెలిపారు. వరదలో చిక్కుకున్న బాధితులను రక్షించే విధానాలను ప్రదర్శిస్తూ రెస్క్యూ బోట్లు, లైఫ్ జాకెట్లు, తాళ్ల సహాయంతో రక్షణ వంటి పద్ధతులను చూపించాయన్నారు. ఈ మాక్ డ్రిల్ కార్యక్రమంలో 12 శాఖలు, 187 మంది సిబ్బంది పాల్గొన్నాయని కలెక్టర్ (Collector Ashish Sangwan) తెలిపారు. విపత్తు సమయంలో సమన్వయం, తక్షణ స్పందన, ప్రజల అవగాహన అత్యంత కీలకమని పేర్కొన్నారు. మాక్ డ్రిల్ ద్వారా ప్రజల రక్షణపై అవగాహనప్రకృతి విపత్తుల సమయంలో ప్రజలను ఎలా సురక్షితంగా రక్షించాలో తెలియజేయడానికి మాక్ డ్రిల్ నిర్వహించడం జరిగిందన్నారు.
NDRF Mock Drill | మాక్ డ్రిల్ ద్వారా అప్రమత్తత..
మాక్ డ్రిల్ (Mock Drill)ల ద్వారా ప్రజల్లో అప్రమత్తత పెంపొందించడం ముఖ్యమని కలెక్టర్ తెలిపారు. విపత్తు సంభవించినప్పుడు భయపడకుండా, సరైన చర్యలు తీసుకుంటే ప్రాణ నష్టం తగ్గించవచ్చన్నారు. ప్రకృతి విపత్తుల సమయంలో ప్రజల ప్రాణ రక్షణ అత్యంత ముఖ్యమని పేర్కొన్నారు. ఇటువంటి మాక్ డ్రిల్ల ద్వారా ప్రజలకు , అధికారులకు విపత్తు సమయంలో ఎలా స్పందించాలో స్పష్టమైన అవగాహన కలుగుతుందని తెలిపారు. ఈ కార్యక్రమంలో అదనపు కలెక్టర్ విక్టర్, సబ్ డివిజన్ ఏఎస్పీ చైతన్య రెడ్డి, డిప్యూటీ కమాండర్ డోల్ సింగ్, ఎన్డీఆర్ఎఫ్ బృందం, జిల్లా అగ్నిమాపక అధికారి సుధాకర్, ఆర్డీవో వీణ , తహశీల్దార్ హిమబిందు, వివిధ శాఖల జిల్లా అధికారులు, మున్సిపల్, వైద్య సిబ్బంది పాల్గొన్నారు.
ఇది కూడా చదవండి..: Nandipet Hyderabad Bus | నందిపేట్ నుంచి హైదరాబాద్కు సూపర్ లగ్జరీ బస్సు ప్రారంభం
