అక్షరటుడే, భీమ్గల్: Nizamabad Collector Inspection | బాల్కొండ మండల కేంద్రంలోని మైనారిటీ బాలుర రెసిడెన్షియల్ పాఠశాలను (Residential school) నిజామాబాద్ జిల్లా కలెక్టర్ ఇలా త్రిపాఠి (Collector Ila Tripathi) సోమవారం ఆకస్మికంగా తనిఖీ చేశారు. పాఠశాలలోని వసతులు, విద్యాబోధన తీరును ఆమె స్వయంగా పరిశీలించారు. ఈ సందర్భంగా తరగతి గదుల్లోకి వెళ్లి విద్యార్థులతో ముచ్చటించారు.
Nizamabad Collector Inspection | వసతులపై ఆరా..
ఈ సందర్భంగా విద్యార్థులకు అందుతున్న భోజనం, వసతుల గురించి ఆరా తీశారు. అనంతరం వంటగదిని, స్టోర్ రూమ్ను పరిశీలించి నిల్వ ఉన్న సరుకుల నాణ్యతను తనిఖీ చేశారు. విద్యార్థులకు మెనూ ప్రకారం పౌష్టికాహారం అందించాలని, పారిశుధ్యం విషయంలో రాజీ పడకూడదని అధికారులను ఆదేశించారు. విధుల్లో నిర్లక్ష్యం వహిస్తే కఠిన చర్యలు తప్పవని హెచ్చరించారు. ఈ కార్యక్రమంలో స్థానిక రెవెన్యూ అధికారులు, (Revenue officials) పాఠశాల సిబ్బంది పాల్గొన్నారు.
ఇది కూడా చదవండి..: Women Teachers Support | మహిళా ఉపాధ్యాయులకు అండగా ప్రభుత్వం: ప్రభుత్వ సలహాదారు సుదర్శన్ రెడ్డి
