అక్షరటుడే, నిజామాబాద్ క్రైం: Nizamabad CP Inspection | నిజామాబాద్ పోలీస్ కమిషనరేట్ పరిధిలోని నిజామాబాద్, ఆర్మూర్, బోధన్ డివిజన్ ప్రాంతాల్లో రంజాన్ సందర్భంగా సందడి నెలకొంది. ఈ క్రమంలో సీపీ సాయిచైతన్య (CP Sai Chaitanya) నగరంలోని పలు ప్రాంతాల్లో పర్యటించారు.
Nizamabad CP Inspection | భద్రతా ఏర్పాట్ల పరిశీలన
ఆయా మసీదుల్లో ప్రార్థనలకు వచ్చిన ముస్లింలతో సీపీ మాట్లాడారు. ప్రశాంతంగా నమాజ్ నిర్వహించుకునేలా పోలీస్ శాఖ (Police Department) ప్రత్యేక భద్రతా ఏర్పాట్లు చేసిందని.. ఎలాంటి ఇబ్బందులు తమను సంప్రదించాలని సీపీ సూచించారు. నిత్యం రాత్రుల్లో పెట్రోలింగ్ జరుగుతుందన్నారు. ఎలాంటి అవాంఛనీయ సంఘటనలు చోటుచేసుకోకుండా ముందస్తు చర్యలు తీసుకోవాలని స్థానిక పోలీస్ అధికారులను ఆదేశించారు. పండుగల సందర్భంగా ప్రజలు పరస్పర సహకారంతో శాంతి, సామరస్య వాతావరణాన్ని కాపాడాలని పోలీస్ కమిషనర్ విజ్ఞప్తి చేశారు. నగరంలోని నెహ్రూపార్క్, అర్సపల్లి తదితర ప్రాంతాల్లో 24 గంల పోలీసు పర్యవేక్షణ ఉంటుందని ఆయన తెలియజేశారు. ఈ తనిఖీల్లో నిజామాబాద్ టౌన్ ఎస్హెచ్వో రఘుపతి (SHO Raghupathi), సంబంధిత అధికారులు ఉన్నారు.
ఇది కూడా చదవండి..: Pocharam Srinivas Reddy | ఆలయాల అభివృద్ధికి ప్రభుత్వం కట్టుబడి ఉంది: ఎమ్మెల్యే పోచారం శ్రీనివాస్ రెడ్డి
