అక్షరటుడే, ఇందూరు: Nizamabad Urban Development | నిజామాబాద్ అర్బన్ నియోజకవర్గ అభివృద్ధి పనులపై పురోగతి సాధించాలని అర్బన్ ఎమ్మెల్యే ధన్పాల్ (MLA Dhanpal) సూర్యనారాయణ గుప్తా అన్నారు. నగరంలోని కలెక్టరేట్లో కలెక్టర్ ఇలా త్రిపాఠితో కలిసి సంబంధిత అధికారులతో శుక్రవారం సమావేశం నిర్వహించారు.
Nizamabad Urban Development | సమయపాలన..నాణ్యత..
ఈ సందర్భంగా ఎమ్మెల్యే మాట్లాడుతూ.. నియోజకవర్గంలో కొనసాగుతున్న అభివృద్ధి పనులు సమయపాలనతో నాణ్యతతో పూర్తి చేయాలని అధికారులు ఆదేశించారు. ఆస్తి పన్నుల వసూళ్లలో వేగం పెంచాలని సూచించారు. అమృత్ 2.0 కింద కొనసాగుతున్న యూజీడీ పనులు నీటి సరఫరా, ప్రగతినగర్ శ్మశానవాటిక, రామర్తి చెరువు సుందరీకరణ పనులను వేగంగా పూర్తి చేయాలన్నారు. అనంతరం ఇంటిగ్రేటెడ్ మార్కెట్ పనుల స్థితి, డబుల్ బెడ్ రూమ్ ఇళ్ల మరమ్మతులు, ఇందిరమ్మ ఇళ్లకు నిధుల విడుదల, వీధి దీపాల నిర్వహణ, దెబ్బతిన్న రోడ్ల ప్యాచ్ వర్క్, రూ.5 కోట్ల ప్రత్యేక నిధుల వినియోగం, రూ.32 కోట్ల యూఐడీఎఫ్ జంక్షన్ అభివృద్ధి పనులపై వివరాలు అడిగి తెలుసుకున్నారు.
Nizamabad Urban Development | ప్రధానమంత్రి శ్రీనిధి నిధులు..
అలాగే ప్రధానమంత్రి శ్రీనిధి నిధుల వినియోగం, తల్లి, శిశు సంక్షేమ ఆస్పత్రి బస్తీ దవాఖానాల పనితీరు ఎన్హెచ్ఎం నిధుల వినియోగం అక్రమ వైద్యులపై చర్యలపై నివేదికలు అందజేసినట్లు కలెక్టర్ దృష్టికి తీసుకొచ్చారు. రంజాన్ పండుగను (Ramadan Festival) పురస్కరించుకొని ట్రాఫిక్ నిర్వహణ సిగ్నల్స్ పనితీరు రోడ్డు ఆక్రమణలపై చర్యలు తదితర అంశాలపై దృష్టి సారించాలన్నారు.
Nizamabad Urban Development | పనుల పురోగతిపై సమీక్షిస్తున్నాం..
అభివృద్ధి విషయంలో అర్బన్ నియోజకవర్గంలో ఎలాంటి తప్పిదాలు జరగకుండా నిత్యం సమీక్ష సమావేశాలు నిర్వహిస్తూ పనుల పురోగతి పై దృష్టి సారిస్తున్నట్లు కలెక్టర్ ఇలా త్రిపాఠి (Collector Ila Tripathi) తెలిపారు. క్షేత్రస్థాయిలో సంబంధిత అధికారులతో కలిసి పరిశీలిస్తున్నట్లు తెలిపారు. ప్రధానంగా వేసవి కాలంలో తాగునీటి సరఫరా అంతరాయం లేకుండా చర్యలు తీసుకోవాలని అధికారులకు సూచించారు. సమావేశంలో నగరపాలక సంస్థ కమిషనర్ దిలీప్ కుమార్, జిల్లా వైద్యాధికారిణి రాజశ్రీ, సంబంధిత అధికారులు పాల్గొన్నారు.
ఇది కూడా చదవండి..: Gas Cylinder Explosion | గ్యాస్ సిలిండర్ పేలి వృద్ధురాలికి తీవ్రగాయాలు
